Cov kws tshawb fawb ntawm World Weather Attribution hais tias “Txij lub 1 hlis los txog lub 4 hlis xyoo no, muaj hluav taws qus kub hnyiab nyob thoob ntiaj teb li ntawm 150 plhom hes taj (hectares). Yog siab dua yav tag los 20 feem pua. Cov thaj tsam raug hluav taws qus kub hnyiab nyob As Fis Kas teb yog 85 plhom hes taj. Nyob As Xias teb thiab Thaib teb hluav taws qus tau kub li ntawm 44 plhom hes taj, siab dua yav tag li ntawm 40 feem pua. Cov kws tshawb fawb ceeb toom tias tej zaum huab cua tseem yuav phem dua no ntxiv thiab. Yog tias El Nino los qhov kub ntawm dej hiav txwv hloov nyob hauv lub 5 hlis mus rau qhov phem, mas tej zaum yuav ua rau huab cua phem heev yam tsis tau muaj los dua.
