Cov neeg txawj ntse hais tias cov kob tshuaj qias neeg tseem pheej sib sau ua ke nyob hauv tus dej Salween
Kev sim zaum kawg los ntawm kev saib xyuas kob tshuaj qias neeg ua kom pom tias cov kob tshuaj qias neeg nyob hauv qab thu dej tseem tshuav ntau thiab yog qhov txaus ntshai.
Cov kws tshawb fawb hais tias tej kev tsuas no yog qhov txaus ntshai dua tej kev tsuas hauv tus niam dej Kok, vim saib zoo li cov kob tshuaj yaj xyaw dej ntau dua cov nyob nrog txo av. Hauv lub xeev Mae Hongson, mas kev tsuas tej kua hlau nyob hauv tus niam dej Salween tseem muaj ntau nyob hauv cov txo av tog hauv dej. Yog qhov txaus ntshai hauv kev soj ntsuam txhua yam nyob ib puag ncig nyob Thaib teb.
Tus kws txuj Wann Wiriya uas nws yog tus kws tshawb fawb txog txhua yam nyob ib puag ncig hauv lub tsev kawm txheej siab nyob Chiangmai hais tias kev soj ntsuam ua kom pom tias kev tsuas kuab tshuaj tseem muaj thiab sib sau nyob hauv tus niam dej ntau kawg tsis nqis li. Kev khaws cov txo kuab tshuaj zaum 4 ntawm PCD, hauv lub 5 hlis raws tus niam dej Salween nyob Mae Hongson. Tau sau tseg txog kev khaws cov kuab tshuaj muaj li ntawm 34 txog 68 milligram. Yog siab dua qhov xwm yeem ntawm cov txo kuab tshuaj uas lub teb chaws teeb tseg 33 milligram. Qhov siab tshaj yog nyob hauv lub zos Phala-u, nws nce siab txog 68 milligram.
Tus kws txuj Wann hais tias kev tsuas kuab tshuaj no ua kom yam muaj txoj sia thiab tsoom pej xeem kev noj qab haus huv muaj qhov pheej hmoo, vim cov kuab tshuaj yuav nkag mus txog tej txhiam xws noj tau. Nws hais kom tsoom pej xeem tsis txhob noj cov ntses, cov cws thiab cov qwj uas khaws hauv cov niam dej ntws hauv cov thaj tsam muaj kuab tshuaj. Nws hais tias kev muab tej yam ntawd coj los ua kom siav, tsis tuaj yeem rhuav tshem tej kua hlau tau.
Nws hais ntxiv tias tus dej Salween yuav raug cov kuab tshuaj ntau dua tus niam dej Kok, vim cov kuab tshuaj yaj xyaw dej muaj ntau dua cov lo raws tej txo av. Ces yuav ua rau yam muaj txoj sia nyob hauv dej raug teeb meem ntau dua. Dhau no lawm, PCD tseem soj ntsuam pom cov kuab tshuaj muaj ntau tshaj kev nyab xeeb hauv tus dej Sam Laep, tus dej Yuam thiab tus dej Pai. Tam sim no cov chromium hauv tus dej Yuam xav tias yuav muaj ntau tshaj qhov teeb tseg lawm.
