Vaj Qhia

Nyob hauv hnub tim 1 lub 9 hli tas los no, Vaj Qhia Fas Ntshis Kus tawm rooj mus xyuas cov neeg ntseeg hauv lub Koom Txoos nyob teb chaws Moos Nkos Lias, thiab ua tswv cuab txoj lub Txoos Txi Ntuj nyob hauv Hnub Chiv tim 3 lub 9 hli ntuj nyob hauv lub nroog Us Las As Npaas Tas. Vaj Qhia tau hais txog ‘yam daws neeg kev nqhis’, yam ntawd yog ‘kev nyiam’.

Vaj Qhia Fas Ntshis Kus ntuas tsoom neeg ntseeg sawv daws kom rov tso siab rau Huab Tais Yes Xus nyob hauv Lo Lus thiab cov Cim Ntshiab.

Vaj Qhia Fas Ntshis Kus ua pov thawj tias Huab Tais Yes Xus yuav tsis quav ntsej txog peb tsis tau, yog tias peb tig rov los thov txog nws tsis tseg.

Vaj Qhia Fas Ntshis Kus twm Huab Tais Yes Xus lo lus hais tias tso siab thiab txhob ntshai, vim Huab Tais Yes Xus nrog peb nyob thiab yuav pab peb kom dim hauv nthwv cua thiab dej nphau.

Ua ntej yuav coj sawv daws teev Ntuj raws zaj tus Tshiab xa xov, Vaj Qhia Fas Ntshis Kus tau hais txog kev nrhiav Huab Tais Yes Xus, kev tshawb kom tau lub hub ntim Huab Tais Yes Xus kev hlub tsis muaj nrim, thiab txais Huab Tais Yes Xus tuaj nyob hauv peb lub neej.