Tus txhais: Lis Maib
Nyob hauv cov neeg mus ntsib Vaj Qhia thawj zaug hauv lub xyoo no, Vaj Qhia thov Ntuj pub kev thaj yeeb rau lub ntiaj teb thiab nrhiav kev nplij siab rau cov neeg tuag los ntawm kev sib ntaus rog. “Tsov rog yog kev vwm”, cov lus no yog Vaj Qhias ua tus hais. Nws yog kev swb ntawm tib neeg mus li. Vaj Qhia thov kom cov neeg ntseeg qhib siab tos txais cov neeg pluag txom nyem, cov neeg thoj nam thiab cov raug tua tuag hauv tsov rog. Vaj Qhia ntxhov siab txog kev kub ntxhov nyob Pas Les Tis Nas, His Xas Lais thiab Us Khas Zis Nas. Tam sim no twb yog xyoo 3 lawm, Vaj Qhia thov kom sawv daws thov Ntuj pab cov teb chaws no, thiab thov kom tas ntiaj teb nco txog cov Los Hees Yas uas raug tsim txom nyob hauv kev thov Ntuj. Thov kev sib pom dej siab thiab sib koom tes. Vaj Qhia thov Niam Mab Liab Tswv Ntuj leej Niam, kom nrhiav qhov paj tshab kev thaj yeeb nyob saum ntuj los rau lub ntiaj teb neeg.
