Kev pauv ntxeev ntawm huab cua ua rau neeg khiav ua thoj nam li cas?(Climate change-human migration)
Kev pauv ntxeev ntawm huab cua ua rau neeg khiav ua thoj nam li cas ? (How does climate change drive human migration?)
Cov huab cua xwm yeem thiab nyob tus uas tib neeg nyob nrog los tau ntau txhiab xyoo, zim txwv no tab tom hloov mus sai heev. Huab cua pauv ntxeev phem heev xws li : ntuj qhuav thiab dej nyab, ua rau ntau txhiab ntau plhom leej neeg yuav tsum khiav tawm hauv lawv tej vaj tse.
Tib lub caij ntawd, yog tias ntsib kev pauv ntxeev ntawm huab cua maj mam hloov xws li : dej hiav txwv siab tuaj thiab ntuj qhuav. Tib neeg feem coob tab tom txiav txim siab nyuab uas yuav khiav tshais chaw mus nrhiav lub neej tshiab zoo dua. Kev pauv ntxeev huab cua tej zaum yuav raug lwm yam xws li : kev sib txeeb, kev lag luam thiab kev tseev tsim kom ua rau neeg khiav ua thoj nam. Yog tias ua tau zoo, kev khiav ua neeg thoj nam tej zaum yuav yog kev hloov tus kheej qhov muaj nqis kom txhob raug lwm tus hauv cov huab cua kub thiab txhab lub peev xwm kev sawv ntawm kev pauv ntxeev yav tom ntej. Kev khiav ua neeg thoj nam feem ntau yog tshwm sim nyob raws ciam teb. Txawm li cas kuj xij, tej xov xwm kheev kheev tsom mus rau kev khiav hla ciam teb. Kheev kheev ntaus nqi tias kev khiav ua thoj nam yog kev ua kom lub teb chaws kub ntxhov, tab txawm kev khiav ua neeg thoj nam nws muaj txiaj ntsim qab hau rau zej zog kuj xij. Huab cua yog qhov teeb txog lub neej txoj sia nyob ntiaj teb no. Txhua yam muaj txoj sia yog nriaj kom muaj txoj sia nyob thiab loj hlob nyob nrog txhua yam nyob ib puag ncig.
Kev pauv ntxeev ntawm huab cua thiab dej nag, feem ntau yog los ntawm lub ntiaj teb tig txawv txav. Nws ua kom tib neeg ri mus nyob thoob ntiaj teb los tau ntau plhom xyoo. Cov kws txuj hais tias thawj tiam neeg yog tshwm sim nyob As Fiv Kas 200,000 xyoo ua ntej no. Nyob rau lub caij uas huab cua tsis tiaj tus thiab muaj dej khov tag los rov muaj dua. Qhov sov ntawm huab cua nyob thoob ntiaj teb yuav pauv ntxeev li 15 degree nyob hauv tsis pes tsawg caum xyoo. Paub tsis tseeb tias tib neeg tawm ntawm As Fiv Kas thiab ri mus nyob thoob ntiaj teb thaum twg. Kheev kheev hu tias yog kev ua lub neej nyob hauv ntiaj teb. Xav tias thaum chiv thawj qee yam qhia kom pom tias tib neeg homo sapiens nyob ntawm As Fiv Kas sab nraud kwv yees li 180,000 xyoo ua ntej no. Cov kws txuj pom tias kev khiav ua thoj nam tawm ntawm As Fiv Kas teb, pib muaj nyob hauv 60,000 txog 90,000 xyoo ua ntej thiab siv sij hawm ntau caum xyoo. Kev khiav ua thoj nam zaum loj tshaj yog nyob hauv txhua txhua 20,000 xyoo. Thaum lub ntiaj teb cov huab cua txias thiab qhuav, mas raug cov huab cua kub kub ntawm qaum ntiaj teb los tav kev. Qhov ntsuab xiab ntawm As Fiv Kas thiab Eurasia ua rau neeg tuaj yeem mus tau ob txog kev hauv ob xeev ntuj.
Tab txawm cov dej khov uas pauv ntxeev kuj ua rau neeg khiav ua thoj nam, vim cov neeg hauv thawj tiam kuj siv txiaj ntsim qab hau los ntawm cov dej khov hauv hiav txwv. Ua lawv qhov chaw nkaum tsov rog nyob raws ntug dej thiab tos ua neeg thoj nam khiav tawm. 12,000 xyoo ua ntej no, lub ntiaj teb hloov dua tshiab vim huab cua hloov thiab txawv txav. Cov huab cua sov xwm yeem thiab cov dej tsuag, pab kom neeg tau txhim kho lub neej. Ces zoo li neeg pib muaj tej yam txawv txav tshiab tshiab. Cov neeg nyob tsis ruaj chaw hauv thaj tsam ntawd tau zoo ua lub neej, vim lawv nyob ze tej thaj av zoo thiab muaj dej zoo. Ces lawv thiaj pib ua lub neej nyob ntawd. Lawv kev ua liaj ua teb kuj vam meej sai heev thiab zim txwv no tib neeg feem tsawg uas lawv tseem ua lub neej nyob tsis ruaj chaw. Kev ua lub neej nyob thiab huab cua xwm yeem, ces ua rau neeg coob tuaj li ntawm 5 plhom leej los txog zim txwv no uas muaj 7,000 tawm plhom leej lawm. Yog nyob hauv ib ntu sij hawm 10,000 xyoo dhau los xwb. Ces thiaj ntsia pom tias yog zim txwv no tsis muaj cov huab cua xwm yeem uas zoo, mas tib neeg yuav kub ntxhov thiab nyob tsis taus.
Homo sapiens yog tib hom neeg uas muaj nyob thiab yoog kom haum rau txhua xeev ntuj nyob hauv ntiaj teb. Tiag tiag tsim nyog hloov mus kom haum rau lwm hom neeg kom haum rau tej huab cua ib yam li tej tsiaj. Tib neeg tau hloov tus yam ntxwv thiab kev nyob kom haum rau tus kheej. Lub caij nyoog xwm yeem kuj ua rau neeg txawj hloov tus kheej hauv kev khiav ua thoj nam raws caij nyoog thiab. Piv txwv li ntau pab neeg lawv muab tsiaj tshais chaw raws caij nyoog. Yog kev tshais tsiaj chaw thiab tu tsiaj nyob hauv tej tshav zaub ntuj qhua thiab ntuj no. Qee pab neeg tshais chaw ua hauj lwm tas mus li raws lub caij nyoog thiab rov mus tsev thaum txog caij so nruab xyoos. Piv txwv li Aas Kiv teb siv tub zog raws caij nyoog hauv lub caij sau qoob loo los tau ntau xyoo lawm. Txawm li cas kuj xij, cov kws txuj ceeb toom tias tam sim no ntiaj teb tab tom tawm ntawm qhov chaw muaj huab cua zoo. Kuj muaj ntau tus kws txuj sib cav tias ntiaj teb nkag mus rau hauv lub ntuj tshiab uas tib neeg muaj hwj chim rau huab cua. Nyob hauv txheej neeg huab cua tshiab no, hauv lub ntiaj teb uas muaj neeg nyob los ntau txhiab xyoo tej zaum yuav nyob tsis taus ntxiv mus.
Cov huab cua piam sij uas tib neeg nyob los tau ntau txhiab xyoo tab tom pauv mus. Qhov sov ntawm lub ntiaj teb xyoo 2011 txog 2020 nce siab dua thaum ub lawm 1 degree los ntawm neeg cov hauj lwm.
Tus sau pom tias hauv xyoo 1960 txog 1990 tsuas muaj tib neeg 12 plhom leej uas xam tau tias yog 1 feem pua ntawm tib neeg nyob nraum txoj kab cov huab cua no. Huab cua zim txwv no muaj neeg coob tshaj 600 plhom leej los yog 9 feem pua ntawm ib tsoom neeg nyob thoob ntiaj teb uas lawv nyob hauv cov thaj tsam huab cua siab dua txoj kab. Yog tias huab cua ntiaj teb kub txog 2 degree, mas ib feem tib neeg yuav tsis tuaj yeem nyob tau ntawm cov thaj tsam uas hais ntawd. Tam sim no lub ntiaj teb kub dua qub thiab nws yuav nce siab ntxiv zuj zus thiab muaj neeg tuag ntau pua txhiab leej nyob hauv txhua xyoo, vim lub ntiaj teb qhov kub txhab ntxiv. Tib xyoo ntuj kub hauv 2022 xwb, muaj neeg tuag 61,000 leej nyob Aws Los Pas teb los ntawm tshav kub dhau. IPCC hais tias : tas tsoom neeg nyob ntiaj teb kwv yees li 50 txog 75 feem pua yuav ntsib teeb meem huab cua tshav ntuj kub thiab nce siab nyob hauv xyoo 2100. Cov thaj tsam ntuj qhuav thiab pluag txom nyem yuav tau txais kev kub ntxhov los ntawm kev lag luam ntau dua raug tshav ntuj kub.
Huab cua pauv ntxeev tseem ua rau muaj teeb meem txog cov huab cua nyob pem hauv ntiaj teb kawg, xws li muaj dej nyab, ntuj qhuav, khaub lig cua thiab hluav taws qus yuav tshwm sim tuaj. Huab cua kub thiab ntuj qhuav yuav ua rau tej qoob loo piam sij dav heev. Dhau no lawm tseem ua rau tej tsiaj tuag thiab ua teeb meem rau kev yug tsiaj nruab deg. Kev piam sij ntawm qoob loo thiab tej tsiaj ntau tshaj ib feem peb hauv cov teb chaws khwv tau nyiaj tsawg thiab cov ib nrab los ntawm ntuj qhuav. Tej yam phem los ntawm huab cua yuav ua rau muaj kab mob, kev phem ntawm cov poj niam thiab cov me nyuam yuav muaj txhab ntxiv. Kev kawm ntawv thiab kev saib xyuas lub cev ntaj ntsug yuav nres zog, vim lub ntiaj teb tseem yuav kub ntxiv.
Kev maj mam pauv ntxeev ntawm huab cua, yuav ua rau txhua xeev ntuj qhov ntxim nyob tsawg tuaj, xws li cov dej tsuag uas zoo haus yuav muaj tsawg yog tias lub ntuj kub ntxiv. Ib tsoom neeg nyob ntiaj teb yuav tsis muaj dej haus li ntawm 2 feem 3 nyob hauv ntiaj teb. Yam li nyob hauv ib xyoos yuav tsis muaj dej haus ib lub hlis. Cov neeg tshaib dej yuav luag ib nrab hauv ntiaj teb no yog cov neeg Suav thiab neeg Is Ntias. Dej hiav txwv nce siab tuaj, kuj yuav ua kev kub ntxhov rau cov teb chaws pov txwv me me, ces lawv yuav tsum khiav tshais chaw. Mas Ntis yog lub teb chaws nyob qis tshaj hauv ntiaj teb no, tshwj xeeb yog lub pov txwv Coral island 80 feem pua ntawm tas cov pov txwv 1,190 lub nyob siab dej hiav txwv tsis txog 1 mev.
Mohamed Nasheed uas yog Mas Ntis thawj tug Txoov Tim Tswv los ntawm kev xaiv tsa, nws hais tias cov Coral tuaj pwm ua teeb meem rau kev ntes ntses, ua rau neeg khiav mus rau tej nroog loj thiab tso lawv lub neej qub pov tseg.
IPCC hais tias xyoo 2050 yuav muaj tshaj 1,000 plhom leej neeg uas nyob hauv nroog thiab nyob toj siab chaw qis yuav raug teeb meem ntawm huab cua, tshwj xeeb yog cov nyob ze ntug hiav txwv. Lub hiav txwv dej tsuag uas loj tshaj nyob ntawm ntug suab puam Sahara yog lub qhov dej yug tas 30 plhom leej. Lub hiav txwv no tau nqhuab zuj zus los ntau caum xyoo lawm, vim huab cua pauv ntxeev los ntawm neeg txhais tes. Thiab ua rau neeg khiav tshais chaw los ntawm huab cua pauv ntxeev, vim neeg cov hauj lwm los ntau caum xyoo. Raws kev soj ntsuam ntawm IPCC pom tias : kev piam sij los ntawm huab cua pauv ntxeev ua rau neeg khiav tshais chaw coob tuaj, tab txawm xav tshais chaw thiab tsis xav. Cov neeg khiav tshais chaw ntawd yog nyob hauv cov teb chaws pluag txom nyem thiab cov txom nyem ib nrab. Lawv lub hom phiaj yog khiav mus rau toj siab los yog hauv tej plawv nroog nyob hauv lawv lub teb chaws.
Kev tsiv teb tsaws chaw ntawm tib neeg sib txawv. Yog nyob ntawm kev txiav txim siab tshais chaw sai los yog rov mus tsev los tsis mus. Kev tshais chaw yog lo lus uas thaum neeg raug yuam kom tawm hauv tsev mus, nws kheev kheev tshwm sim sai kawg. Yam li thaum raug dej nyab los yog raug khaub lig cua. Kev tshais chaw yog hais txog kev txiav txim siab khiav mus nrhiav dua lub neej tshiab kom zoo dua qub.
Kev tshais chaw yog vim huab cua pauv ntxeev thiab tib neeg kheev kheev khiav mus rau qhov chaw nyob thaj yeeb.
Lub Koom Haum raws qab cov neeg thoj nam IDMC pom tias : kev puas tsuaj xws li dej nyab, ntuj qhuav thiab khaub lig cua ua kom muaj neeg khiav ua thoj nam nyob hauv txhua xyoo. Kev khiav tshais chaw nyob hauv lub teb chaws yog los ntawm dej nyab thiab raug cua daj cua dub ntaus. Xyoo 2022 muaj kev sau cim txog cov neeg khiav tshais chaw nyob hauv lub teb chaws li ntawm 32 plhom leej. Feem coob yog nyob As Xias thiab Pas Xis Fiv. Kev tsiv teb tsaws chaw hauv xyoo 2022, tshwm sim 1 feem 4 ntawm dej nyab nyob Pas Kis Taas teb. Yog ib zaug neeg khiav tawm ntawm thaj tsam raug xwv txheej coob tshaj nyob hauv ntiaj teb no. 33 plhom tus neeg khiav tshais chaw los yog 15 feem pua ntawm tsoom pej xeem nyob hauv lub teb chaws. Kuj ua kom muaj kev kub ntxhov rau neeg kev ncaj ncees hauv lub teb chaws thiab.
Cov neeg khiav tshais chaw nyob hauv lub teb chaws 70 feem pua tsis muaj tsev nyob ntau lub lis piam. Lawv pw nyob ntawm tej ntug kev thiab tej tsag av. Txog lub 2 hlis xyoo 2023, kuj tseem muaj ntau txhiab yim neeg tsis muaj chaw nyob thiab tsis muaj liaj teb ua noj. Teeb meem huab cua phem uas tshwm sim sai, yog yam tshwm sim sai kawg. Rhuav tshem neeg kev ua lub neej thiab yuam kom neeg khiav tawm ntawm lawv tej vaj tse mus sai heev. Txawm li cas kuj xij, kev pauv ntxeev ntawm huab cua kuj tseem yuav ua kom muaj kev piam sij ntxiv mus ntau lub hlis los yog ntau xyoo
