Is Ntos Nes Xias teb nplua cov Koom Haum uas rhuav tshem txhua yam nyob ib puag ncig hauv cov thaj tsam dej nyab
Lawv hu kev piam sij ntau tshaj 200 plhom US dos las ntawm 6 lub Koom Haum, uas hais tias ‘lawv tsim kev piam sij thiab yuav tsum them’ tom qab dej nyab loj heev nyob Xus Mas Ras. Ua rau neeg tuag tshaj 1,000 leej nyob hauv tsaib no.
Cov tub saib xyuas txhua yam nyob ib puag ncig thiab tseem hwv hais tias : kev ntov ntoo luaj hav zoov, yog qhov ua kom muaj dej nyab nyob hauv tsaib no. Muaj av nkos thiab hauv paus ntoo ntau kawg los rau hauv txhua txhia lub zos nyob xib fab pej hauv lub pov txwv. Lub pwm tsav saib xyuas txhua yam nyob ib puag ncig tshaj tawm hnub tim 16 lub 1 hlis no tias ; tseem hwv tab tom yuav nplua 283 plhom US dos las ntawm 6 lub Koom Haum uas raug liam tias : lawv tau tsim kev kub ntxhov rau hav zoov 2,500 hectares. Cov nyiaj no yog nqi piam sij thiab nqi txhim kho cov thaj tsam raug nyiaj nyab.
