Suav hiam cov neeg xyav moo tias ; lawv tshaj tawm tej yam cuav hais txog txoj cai lij choj ntawm cov haiv neeg kev sib koom siab.

By Hmong Service, 09 July, 2026

Tseem hwv Suav tsis kam lees cov lus xyav moo ntawm txhua lub teb chaws hais txog tsab cai tshiab hauv kev sib koom tes ntawm cov haiv neeg tsawg, uas thov kom txhua lub teb chaws tso tseg kev tshaj tej xwm cuav. Tom qab tsab cai tshiab no ua rau muaj kev txhawj xeeb txog tib neeg kev ncaj ncees ntawm cov haiv neeg tsawg thiab yuav muaj kev cheb ntxuav hla teb chaws. Tsab cai hais txog txhawb kev sib koom siab thiab kev vam meej ntawm cov haiv neeg tsawg, pib siv txij hnub tim 1 lub 7 hli no mus.

Lub hom phiaj yog sib koom txhawb nqa thiab txuag lub Cim ntawm txhua haiv neeg tsawg nyob Suav teb, thiab txhawb nqa cov lus Suav nruab nrab kom ua xeem lus ntawm lub teb chaws. Hnub tim 3 lub 7 hli no, Guo Jiakun uas nws yog tus tshaj lus hauv cov tseem hwv Suav hiam cov teb chaws tsis hais npe tias ; yog iab hiam.

Pej Ceeb hais meej tias lawv txoj cai yog txhawb nqa kev ruaj ntseg, kev sib koom siab thiab txhim kho kev lag luam rau txhua haiv neeg.

Txoj cai no raug xyav moo los ntawm As Mes Lis Kas 9 tus nom sawv pej xeem cev. Lub Leej Haum Kuj fab tib neeg kev ncaj ncees Volker Türk, lub Koom Haum Amnesty International thiab Thais Vas hais tias : “Txoj cai no yuav ua rau cov neeg Tis Npes, cov Us Yis Kus thiab lwm haiv neeg tsawg tsis muaj cai kiag. Tsis tas li ntawd kuj yog lub zog rau Suav tau zoo kev hiam cov neeg xyav moo nyob dhau Suav ciam teb.”