Ntawv Moo Zoo tshwm sim 2.
Tam sim no peb los soj ntsuam txog cov hnub tseem ceeb ntxiv mus. Kuv tau muab faib ua 3 ntu. Nyob hauv 3 ntu no yuav xav txog thiab txhais lub ntsiab ntawm yam uas sau tseg nyob hauv ntawv Moo Zoo tau zoo. Kuv xav hais txog ib ntu zuj zus hauv 3 ntu no, ces peb mam rov los soj ntsuam kom zoo ntxiv.
Thawj ntu yog nyob hauv xyoo tim 27 txog 30, yog ntu hauv Yes Xus lub neej. Yog ntu uas peb txoj kev ntseeg cav txog, vim yog ntu Yes Xus tawm tuaj rau ib zeej tsoom pom thiab nws pib tshaj lub Moo Zoo nyob ntawm tej ntug kev, nyob ntawm ntug hiav txwv thiab hauv tej tsev Txoos.
Ntu 2 yog xyoo tim 30 txog 68, thiab xyoo 38 hauv ntu ob no tsis muaj sau tseg nyob hauv tsab ntawv Moo Zoo twg li. Hauv xyoo 38 no, lub Moo Zoo raug tshaj los ntawm cov Thwj Tim uas tau hnov thiab tau nrog Yes Xus nyob.
Ntu 3, yog ntu uas sau ntawv Moo Zoo. Thawj tsab ntawv Moo Zoo uas peb hais txog, yog Mas Kos ntawv Moo Zoo uas sau nyob hauv xyoo 68. Tom qab Yes Xus tuag li 4 xyoos, thiab tom qab tus vaj Nes Los raug hiam. Yog lub caij uas Pob Zeb thiab Paj Lug raug tua tuag. Nyob hauv ntu 3 no, feem uas muaj tsis txhij nyob hauv ntawv Cog Lus Tshiab kuj raug sau tawm los nyob hauv cov xyoo 70 txog xyoo 90.
