Cov Tswv Qhia Ecuadorian thov kev sib koom tes, vim muaj kev kub ntxhov heev zuj zus
Tom qab kev tshaj tawm hais txog kev kub ntxhov ntawm cov neeg phem rov muaj heev zuj zus. Hauv lub rooj sab laj ntawm cov Tswv Qhia Kav Tos Liv nyob Ecuadorian thiaj thov kom sawv daws muaj kev sib koom siab thiab hwm txoj kev ua kwv ua tij kom tau txhawb nqa lub teb chaws kev thaj yeeb. Cov Tswv Qhia thov kom muab siab rau txog kev sib koom tes, tsim kev thaj yeeb thiab kev ua kwv ua tij nyob hauv lub sij hawm muaj kev tua neeg heev zuj zus yam tsis tau muaj los dua.
Lub lis piam tag los Ecuadorian poob nyob hauv txoj kev kub ntxhov, vim tus neeg raug txim uas tseem hwv xav tau tshaj plaws nyob hauv lub teb chaws, nws tau khiav tawm nkuaj lawm. Ua rau ntau lub nkuaj ntxhov quav niab. Cov neeg raug txim hem thiab ntes cov tub ceev xwm zov nkuaj coob leej.
