Vaj Qhia hais rau cov tub kawm tias : “Thov muab tsev kawm ntawv los ua qhov chaw soj ntsuam txog yav tom ntej thiab kev cia siab.”
Nyob hauv cov kab ke ua hmoov tsuj xeeb, Vaj Qhia tau ceeb toom tias Leej Ntshiab Zam Henry Newman yog lub Koom Txoos tus kws kho mob thiab yog tus txhawb nqa kev kawm ntawv nyob thoob ntiaj teb. Kom peb sib koom tes daws tso tib neeg tej kev tsaus ntuj uas nyob ncig peb. Yuav tsim tib neeg lub cev ntaj ntsug thiab lub siab ntsws. Tshwj xeeb tshaj yog cov uas lawv tsis tuaj yeem nkag mus txog tej kev lag luam uas txwv luag tej. “Thaum kuv xav txog cov tsev kawm ntawv thiab cov tsev kawm txheej siab, mas kuv saib lawv zoo li yog ib kem tsev soj ntsuam txog yav tom ntej, uas muaj kev cia siab thiab raug hais tawm ntau zaus. Kev txhawj xeeb zim txwv no saib zoo li loj dua peb lub zog, tab sis nws tsis yog. Thov txhob cia tej kev saib lub ntiaj teb tsis zoo yeej peb.”
Nov yog Vaj Qhia Leo 14 cov lus qhuab qhia uas nws hais rau cov tub kawm nyob hauv lub thaj txi Ntuj. Yog xaus lub rooj sab laj hauv xyoo ntshiab, uas muaj cov tub kawm thiab cov xib hwb qhia ntawv ntau txhiab leej nyob thoob ntiaj teb tuaj sib sau nyob Los Mas. Kev tsuj xeeb no tseem muaj qhov zoo kawg nyob hauv yam Vaj Qhia xaiv. Ntawd yog thaum pib cov kab ke, Vaj Qhia tau muab lub meej mom rau Leej Ntshiab Zam Henry Newman, uas nws tau ua lub neej nyob hauv xyoo 1801-1890. Nws yog ib tug kws txuj kev ntseeg neeg Aas Kiv, uas tau kawm nyob hauv lub tsev kawm txheej siab Oxford. Thaum chiv thawj nws ua Txiv Plig nyob hauv cov Anglican, tab sis tom qab no nws tau ua ib tug Txiv Plig Kav Tos Liv. Nws yog tus Tswv Qhia Liab uas muaj kab lis kev cai zoo thiab muaj lub siab nyiam qhia kev paub thiab kev ntseeg.
