Vim li cas khoom noj khib nyiab thiaj yog teeb meem? (Why Is Food Waste A Problem ?)

Vim li cas khoom noj khib nyiab thiaj yog teeb meem? (Why Is Food Waste A Problem ?)

Khoom noj khoom haus khib nyiab, yog hais txog tej zaub mov seem uas nkim pov

tseg. Tej zaub mov seem uas nkim pov tseg ua teeb meem, vim nws ua rau cov neeg As Mes Lis Kas poob peev lawm ntau plhom dos las los ntawm kev khaws se thiab neeg lub neej. Nws ua teeb meem rau txhua yam nyob ib puag ncig, ua rau lub ntuj kub thiab huab cua pauv ntxeev thaum muaj tej khoom noj khib nyiab faus ntau ntau ntxiv thiab ua kom muaj pa iav ntau. Teeb meem ntawm khoom noj khoom haus khib nyiab muaj ntau yam, txawm tias tus nqi ntawm kev muag toob xib nkim pov tseg, kuj raug muab hais ua teeb meem. Tab sis qhov ntawd tsis yog tus nqi txhiam xws noj nkim pov tseg xwb, tej khib nyiab zaub mov seem kuj tseem ua kom poob nyiaj rau kev cog qoob loo, kev rov ua dua, kev khaws tseg thiab kev khaws tej toob xib uas tsis tau noj dua. Ua kev kub ntxhov rau txhua yam ntuj tsim xws li : dej, av, kev ua hauj lwm thiab kev tsim tawm. Kwv yees li 40 feem pua ntawm cov txhiam xws noj uas tsim nyob As Mes Lis Kas teb raug nkim pov tseg txhua xyoo. Ua rau kev poob peev ntawm tus nqi txhiam xws noj yog 408 txhiab plhom dos las nyob hauv ib xyoos.    

Thiab kev siv nyiaj rau tej zaub mov seem ntawd txhab ntxiv li 218 txhiab plhom dos las, vim nkim kev tsim txhiam xws noj. Khoom noj khoom haus khib nyiab, yog hais txog cov txhiam xws zaub mov uas noj tsis tas. Muaj ntau yam ua kom nkim txhiam xws lub sij hawm koj muab tej zaub mov seem coj mus pov tseg. Kev muab zaub mov seem thiab khib nyiab pov tseg, tsis yog koj ib leeg xwb. Tej zaub mov seem thiab khib nyiab ntau ntau, nws ua teeb meem rau cov khw muag, cov neeg muas noj thiab huab cua. Ua teeb meem hauv kev soj ntsuam, teeb meem hauv kev khaws txhiam xws noj, teeb meem hauv kev thauj los yog xa thiab kev tsim ntau dhau. Lwm yam teeb meem ntawm zaub mob seem, yog los ntawm cov tsev muag zaub mov thiab tej chaw tsim txhiam xws noj. Tej zaub mov seem uas noj tsis tas nyob hauv cov tsev muag zaub mov thiab tej zaub mov uas txeej pov tseg muaj ntau kawg.    

Cov tsev muag zaub mov noj tseem muab tej zaub mov qub pov tseg thiab nrhiav dua lwm cov tshiab los rau cov neeg tuaj noj, ces muaj qee yam zaub mov raug pov tseg thiab tsis tau muab muag tawm. Qhov kawg kuj tsis muaj neeg noj tej zaub mov ntawd thiab, ces cov zaub mov ntawd cia li yog ib co txhiam xws nkim pov tseg dawb dawb.

Muaj ntau yam ua kom nkim txhiam xws pov tseg, vim yog lwj thiab tsis muaj kev khaws tseg zoo. Tej txhiam xws nkim pov tseg, yog los ntawm kev tsim tawm, kev thauj los yog xa thiab kev ceev tseg nyob hauv cov tuam khw, thiab qhov kawg yog tshwm sim nyob hauv koj chav tsev ua zaub mov noj.

Txhua yam teeb meem ntawm tej txhiam xws noj yuav muaj tsawg tuaj, yog yuav tsum xub xav tswv yim thiab muaj techniques hais txog khaws txhiam laj txhiam xws kom muaj chaw. Feem ntau cov tsev muag zaub mov noj npaj zaub mov ntau dhau, ces cov neeg tuaj muas noj tsis tag thiaj ua rau nkim pov tseg. Kev xub xav tswv yim yuav pab kom tej zaub mov seem ntawd muaj tsawg tuaj. Tej khw muag cov txhiam laj txhiam xws qhuav, lawv kuj ntsib teeb meem los ntawm toob xib zoo tsis txaus thiab kev txawb los sis cuam khoom ntau ntau li 43 txhiab plhom Pounds nyob hauv txhua xyoo. Yog vim cov txhiam xws noj ntawd tsis zoo raws txoj cai kav, vim qee yam txhiam xws lwj thiab tuaj pwm, ces tsuas zoo muab pov tseg xwb.

Nyob hauv kev rov sib hais dua, pom tias muaj kev kwv yees ntawm cov khw muag txhiam laj txhiam xws qhuav muab tej txhiam xws pov tseg li ntawm 15 txhiab plhom dos las. Cov teeb meem tshwm sim thiab pom feem ntau yog yuav khoom los tso hauv tsev ntau dhau, kev ceev txhiam xws tsis zoo, kev hnov qab qee yam txhiam xws nyob hauv rhawv txias, los yog ua zaub mov ntau dhau noj tsis tas.

Tseem muaj ib qho uas ua rau txhiam laj txhiam xws piam sij nyob hauv tsev, yog qhov tsis ua zoo saib hnub, hli, xyoo ntawm cov txhiam xws noj ntawd. Ces tej thaum cov txhiam laj txhiam xws noj ntawd twb tag hnub nyoog lawm. Muaj tej yam khoom noj, mas tso nyob hauv rhawv txias tau li 2-3 lub lis piam, tab sis cov mis uas me nyuam haus, mas tsuas tso tau ib lis piam xwb. Vim li ntawd cov neeg As Mes Lis Kas ntau plhom leej thiaj yog cov muab tej txhiam xws noj ntawd pov tseg, muaj qee yam kuj tseem zoo noj thiab zoo siv, tab sis yog vim kev tsis nkag siab thiab tsis ua zoo saib hnub, hli, xyoo tsim tawm. Koj kuj tsis tuaj yeem daws tau tas txhua yam teeb meem zaub mov seem, vim koj yog tus muas thiab tus noj. Tab sis koj tuaj yeem kav koj tus kheej hais txog cov zaub mov nyob hauv koj lub tsev tau.

Koj yuav ua raws li no :

1 – Xub xav tswv yim.

Yog tias koj yog ib tug neeg nquag tawm mus yuav zaub ua tshais ua hmo, mas koj cov zaub cov nqaij yog nyoos thiab tshiab, ces koj yuav muaj zaub muaj nqaij seem. Kev xub xav tswv yim pab kom koj paub npaj tias koj yuav yuav yam twg, yuav xyaw yam twg thiab xyaw npaum li cas, ces nws yuav pab koj txuag tau nyiaj.

2 – Sau cim cia.

Kev sau cim cia, yog qhov koj yuav tsum xub sau ua ntej koj yuav mus kav kiab. Yog lub tswv yim pab txuag khib nyiab kom txhob yuav khoom ntau ntau. Koj yuav nco ntsoov saib tej rhawv txias thiab tej chaw rau khoom kom paub tias yuav npaum li cas, ces koj xub muab sau cia.

3 – Qhov tseeb tiag.

Coob leej neeg zwm rau txoj kev xav yuav zaub thiab yuav txiv hmab txiv ntoo kom ntau, vim lawv xav noj txiv hmab txiv ntoo pab lawv lub cev. Tab sis khuv xim uas coob leej cia tej txiv hmab txiv ntoo thiab zaub lwj tag nyob hauv rhawv txias. Coj tus yam ntxwv phob nyiaj tshaj qhov tseeb tiag, thiab yuav zaub yuav txiv ntoo ntau ntau los cia rau tsev neeg tau noj 2-3 hnub.

4 – Cov khw me.

Qhov uas koj lub khw muag txhiam xws qhuav, muag txhiam xws hauv tej lub pob tawb loj loj, tsis tau txhais tias koj muaj kev cheem tsum yuav tsum siv. Thov koj cheem thiab nres xav hais tias koj tsev neeg tsim nyog siv tej lub pob tawb luaj li cas, vim kev yuav txhiam laj txhiam xws ntau ntau, nws yuav ua rau muaj khib nyiab ntau.

5 – Saib qhov tseem ceeb.

Yog koj muaj lub siab xav ua kom khib nyiab muaj tsawg, koj txhob mus yuav tej yam uas koj xav tias ntxim koj siab xwb. Koj yuav xaiv yuav yam uas sawv daws nyiam. Koj yuav xaiv yuav zaub thiab tej txiv hmab txiv ntoo kom noj tau tam sid. Yog koj xav tias yuav sim thiab saj kom txhua txhua yam, koj xaiv yuav hom txhiam xws tshiab ib yam qho me ntsis kom txhob muaj tej qub zaub seem.

6 – Khaws tej yam tseem ceeb cia.

Khaws tej txhiam laj txhiam xws uas tsev neeg nyiam noj cia kom zoo rau hauv cov txheej khaws zaub mov thiab rhawv txias tsau kom khov. Tej kua dub kua txuj lom thiab txuj lom yuav npaj kom muaj txaus xwb. Tej txuj lom ntawd yog tej yam koj yuav siv rau pluas tom ntej thiab koj tsev neeg yuav tsum nyiam noj.

7 – Txhob npaj ntau dhau.

Tsis muaj neeg nyiam muab tej yam seem uas zoo zoo pov tseg, tab sis qee zaus tej zaub mov seem ntawd kuj cia lwj rau hauv rhawv txias. Ib qho uas yuav xyuam xim yog txhob ua zaub mov ntau dhau qhov koj tsev neeg noj ib pluag kom tas.

8 – Nqa tej yam seem rov mus tsev.

Zaub mov seem yog ib yam xwm yeem ntawm cov tsev muag zaub mov, vim cov tsev muag zaub mov noj kheev kheev txhab zaub mov tshaj qhov yuav noj tas. Txhob cia tej zaub mov ntawd nkim pov tseg, koj yuav nqa tej zaub mov seem ntawd rov mus tsev cia noj tag kis los sis faib rau lwm tus noj.

9 – Siv tej yam seem kom tag.

Xav tswv yim khaws tej yam seem, lauj kaub yog qhov zoo khaws tej nqaij thiab tej zaub uas seem ntawd.

10 – Khaws nqaij khaws zaub kom tshiab tas li.

Siv sij hawm ntim txhiam laj txhiam xws thaum koj mus kav kiab rov los txog tsev, yuav ntim kom zoo kom tshiab tas li. Siv rhawv txias los tsau zaub thiab tej yam nyoos khaws cia, thiab yuav tsum noj kom tas ua ntej yuav lwj yuav tsw.

11 – Txhob muab tej nqaij tej zaub pov tseg ua ntej tsis tau lwj.

Txhob muab tej zaub tej txhiam xws pov tseg ua ntej tsis tau tag hnub nyoog, tej txiv hmab txiv ntoo yuav tsum muab coj los noj thiab ua xyaw tej yam qab zib noj, txhob cia lwj pov tseg.

12 – Khaws cia kom zoo.

Zaub thiab txiv hmab txiv ntoo, thiab tej nqaij nyoos tuaj yeem khaws cia hauv rhawv txias kom nyob tau ntev. Nrhiav tej lub thawv uas zoo ntim txhiam xws tsis lwj coj los ntim thiab muab tsau cia. Tej yam zaub thiab taub uas de tom teb los, koj yuav muab phua ua tej txauj ntim khaws cia zoo zoo, kom tau coj los hau kua zaub tsuag rau lwm pluas thiab siv nyob hauv lub caij ntuj no.

13 – Ua kom lub rhawv txias yog ib tug phooj ywg zoo ntawm koj.

Yuav ntim nqaij khaws tseg rau tsev neeg, thiab khaws kom txaus ua yam koj nyiam noj los tsau cia hauv rhawv txias. Koj yuav muab cov zaub siav thiab mov ntim cia rau hauv rhawv txias, ces thaum koj yuav noj koj thiaj tau muab los rhaub noj ib txhij thiab zaub mov tshiab tas li.

14 – Muab sib faib. 

Yog cov zaub mov koj nyiam noj tab sis ua tau ntau tshaj qhov tsev neeg yuav noj tas, mas muab coj mus faib rau cov neeg txheeb ze noj.

15 – Muab ntsev las khaws cia.

Muaj qee yam txhiam xws noj uas yuav zam tsis dhau qhov las ntsev. Tsis tau txhais tias koj yuav muab pov tseg, koj yuav muab yam zoo las coj los lav ntsev khaws cia, xws li daim tawv, pob txha thiab tej nplooj zaub laus uas seem.