Kev muab tus kheej los ua hauj lwm hauv lub caij muaj tsov rog ntawm ib tug kws kho mob Kav Tos Liv neeg Mas Les Xias, yog lub zog txhawb siab hauv kev rov taij thov kom tsa nws ua Leej Ntshiab.
Tus qub thawj tub rog Fitzgerald Augustin tau hais txog nws nyob hauv lub tsev teev Ntuj hwm Leej Ntshiab Ignatius, nyob Petaling Jaya hnub tim 15 lub 8 hli tas los. Uas yog hais txog lub peev xwm, kev ntseeg thiab nws kev muab tus kheej los ua hauj lwm hauv lub caij Zis Pees kav Malaya.
Kev hais txog zaum no yog ib feem hauv kev ua kom nco txog thiab paub tias tau txais kev txhawb nqa los ntawm Tswv Qhia Julian Leow nyob Kuala Lumpur. Tus uas txhawb nqa kom muaj kev sau cov lus thiab cov hwj huam uas tau vam txog Sybil cov lus thov Ntuj. Tswv Qhia Cebastian nyob Penang, tau qhib kev txiav txim nws cov plaub ntug raws kev cai hauv lub 7 hli 2024. Lub caij Zis Pees kav mas Sybil thiab nws tus txiv uas yog tus kws txuj Clement Kathigasu tau qhib ib lub tsev muab tshuaj nyob Ipoh thiab Papan. Kom tau kho tsoom pej xeem thiab muab kev pab ntsiag ntsiag rau cov tub rog tiv Zis Pees. Sybil raug ntes xyoo 1943 thiab nws tiv kev txom nyem, kev raug tsim txom los ntawm cov tub rog Zis Pees. Tab sis nws tsis kam muab tej ntaub ntawv uas nws pab neeg rau lawv pom. Tus ntes nws thiaj ntes Sybil tus me nyuam ntxhais 6 xyoo, kom nws cia li muab kev koom tes. Tab txawm yuav raug hem tsis kav Sybil ruaj nreb hauv kev ntseeg thiab kev txuag lwm tus. Thaum nws raug kaw nkuaj, nws ntsib kev ua siab loj siab tawv hauv kev hais Txoj Saw Mab Liab thiab hwm Ntoo Cuam. Ua ke ntawd nws kuj kom lwm tus neeg raug kaw nkuaj koom nrog nws thov Ntuj thiab.
Tom qab nws raug tso tawm nkuaj xyoo 1945, Sybil tseem mob nws tej qhov txhab uas raug tsim txom hauv nkuaj. Nws tuag lub 6 hli xyoo 1948, thaum nws muaj 49 xyoos. Nws raug qhuas txog lub peev xwm thiab tau txais lub txiaj George Meda xyoo 1947. Txij lub 1 hlis xyoo 2025 los, cov neeg ntseeg Kav Tos Liv tau tuaj sib sau nyob ntawm nws lub ntxa hauv lub tsev teev Ntuj Michael, uas nyob hauv lub nroog Ipoh txhua txhua hli, kom tau thov Ntuj pab nws. Cov thawj coj lub Koom Txoos tseem qhuas txog nws hauv tus piv txwv muaj peev xwm, muab tus kheej los ua hauj lwm thiab kev nyiam kev hlub uas muaj rau lwm tus ntawm cov neeg ntseeg.
