Vas Tis Kas cov neeg hais tias kev pauv ntxeev ntawm huab cua yog teeb meem hauv kev ncaj ncees

Tab txawm teeb meem huab cua pauv ntxeev yog qhov uas cov tub tseev tsim thiab cov kws tshawb fawb niaj zaus hais txog kuj xij, Vas Tis Kas cov neeg kuj rov hais txog tias nws yog kev tsis ncaj ncees.

Raws li Tswv Qhia Parolin uas yog Vas Tis Kas tus pwm tsav txawv teb chaws fab kev teev hawm hais. Tas ntiaj teb nyias muaj nyias qhov kev daws teeb meem hais txog huab cua pauv ntxeev. 

Nyob hauv tsab ntawv no, cov thawj coj hauv kev teev hawm tau hais thiab txhawb dej siab rau kev muab siab rau daws teeb meem huab cua pauv ntxeev. Tswv Qhia hais cov lus no rau cov neeg ntseeg li ntawm 30 leej tuaj ntawm ntau lub teb chaws tuaj. 

Tsis tas li ntawd, nws kuj thov kom cov nom tswv muab siab rau ua thiab. Lub rooj sab laj CoP28 Climate Change Conference uas yuav tsa nyob hauv lub 12 hlis nyob Dus Npais. Tswv Qhia hais tias Vaj Qhia Fas Ntshis Kus nyiam nqes lus hais txog huab cua pauv ntxeev kawg. Vim Vaj Qhia kheev kheev hais txog teeb meem txhua yam nyob ib puag ncig nyob hauv Laudato Si thiab Laudate.

Vas Tis Kas txaus siab rau kev daws txhua yam teeb meem, xws li hais txog kev txo pa roj thiab pa iav, teeb meem dej hiav txwv nce siab thiab lwm yam.