Kev txhawj xeeb hauv kev txhim kho thiab yeej kev sib tawg yog lub ntsiab lus tseem ceeb hauv kev tshaj lub Moo Zoo zaum kawg ntawm tus Vaj Qhia As Zees Tis Nas hauv lub 9 hlis tsaib no. Tus Vaj Qhia tshiab uas los tuav cov hauj lwm tau ua kom lub Koom Txoos tig los muab siab rau txog yam tshiab tshiab, thiab tej teeb meem uas raug zim txwv no. Kev ntshiab huv ntawm lub neej thiab cov hauj lwm hauv kev tuam choj nrog zej zog.
Vim tus Tswv Qhia Liab Robert Prevos raug xaiv los ua Vaj Qhia tshiab hloov Fas Ntshis Kus, nws siv lub npe Vaj Qhia Leo 14. Ces thiaj tsis muaj qhov ua xyem xyav tias nws cov hauj lwm yog taw mus rau yam twg. Xyoo 1891, Vaj Qhia Leo 13 uas siv tib lub npe xws li tus Vaj Qhia tshiab, tau nthuav cov lus qhia kev ntseeg hauv zej zog ntawm lub Koom Txoos. Nyob hauv Vaj Qhia tsab ntawv Rerum Novarum.
Vaj Qhia Leo 13, muaj 81 xyoos. Nws tuag thaum nws lub hnub nyoog 93 xyoos. Tau ua kom lub Koom Txoos tig los muab siab rau txog yam tshiab tshiab, uas tab tom pauv ntxeev zej zog hauv kev txhim kho cov tuam tsev lag luam, kev sib cais thiab saib tsis taus cov tub zog. Txij ntawd los, kev taij thov kev thaj yeeb, kev ncaj ncees hauv zej zog, kev txuag pov hwm cov neeg tsis muaj zog, qhov tseem ceeb ntawm leej tib neeg, cov tub zog lub meej mom, kev txuag txhua yam nyob ib puag ncig raug hais txog tas mus li nyob hauv cov lus hais, hauv kev qhia kev ntseeg ntawm Vaj Qhia thiab lub Koom Txoos Kav Tos Liv.
Vaj Qhia Fas Ntshis Kus tau txhib txog kev saib xyuas, kev txhim kho thiab peb lub tsev nyob hauv nws tsab ntawv Laudato Si thiab cov Thwj Tim tej lus qhuab qhia uas yog Laudate Deum. Kev ntov xyoob ntoo luaj hav zoov yog lub txim tuag ntawm tib neeg. Tshwj xeeb tshaj yog thaum muaj kev txhim kho nrog kev kiam tib neeg. Vaj Qhia Fas Ntshis Kus ua piv txwv txog qee yam, xws li kev pluag nyob hauv nroog, kev tsis quav ntsej thiab kev nyob twm zeej hauv tej zej zog. Cov neeg raug tso pov tseg thiab cov poob nyob hauv kev tsim txom hauv kev tua neeg, kev sib tiv ntawm cov haiv neeg thiab kev hiam hais txog tej khawv koob uas tsis muaj qab hau.
