Vaj Qhia Fas Ntshis Kus thov kom muaj kev daws kho fab huab cua sai sai, thiab thuam txog kev ntshaw
Vaj Qhia Fas Ntshis Kus thov kom tas ntiaj teb txuag txhua yam lub zog kom rov zoo tuaj nyob hauv huab cua. Vaj Qhia hais tias tib neeg txoj kev ntshaw nws ua teeb meem rau huab cua. Nws txhib hais tias huab cua phem zuj zus, yog qhov tsim nyog tib neeg yuav pab txuag thiab tsim nyog yuav ua sai sai.
Vaj Qhia hais rau cov tub tseev tsim thiab nug tias : lawv txoj kev muab siab rau puas yog txhawb nqa kab lis kev cai ntawm lub neej los kab lis kev cai ntawm kev tuag.
Lub teb chaws nplua nuj tshaj plaws thiab muaj pej xeem ze ntawm 1,000 plhom leej, ua kom muaj huab cua phem thiab qhov kub sov ib nrab. Cov neeg pluag txom nyem muaj tshaj ntawm 3,000 plhom leej pub nyiaj tsawg dua 10 feem pua, tab sis lawv tau txais kev piam sij 75 feem pua. Vaj Qhia thuam txog kev ua piam sij rau txhua yam nyob ib puag ncig tias : yog kev ua txhaum rau Tswv Ntuj thiab yog tus cag ntawm kev txhaum uas ua rau tib neeg txoj sia puas tsuaj.
