Txuag txhiam xwm noj kom zoo, txhob pub nkim pov tseg. (Saving Good Food from Going Bad)

Txuag txhiam xwm noj kom zoo, txhob pub nkim pov tseg. (Saving Good Food from Going Bad)

Hnub no peb yuav hais txog cov zaub mov tsis ntsim nyob hauv koj lub phaj thiab tej zaub mov uas seem pov tseg. Qhov tiag muaj tej txhiam laj txhiam xws nkim pov tseg ntau heev, txij ntawm peb daim teb mus txog peb lub rooj mov. Qhov no yog teeb meem ntiaj teb uas tshwm sim nyob hauv txhua lub teb chaws. Txhiam xws noj thiab kev ua liaj ua teb yog qhov tseem ceeb ntawm huab cua pauv ntxeev, dej, quav chiv thiab lub zog. Tas txhua yam no siv los cog txhiam xws noj uas muaj feem ua kom tso pa iav tau. Thiab ib feem 3 ntawm cov txhiam xws yog nkim pov tseg. Feem ntau ua ntej yuav txog lub rooj noj mov hauv koj lub tsev, nws yog qhov txaus txhawj heev. Ib feem 3 yog qhov ntau heev thiab yuav paub tias mob tuaj li 2 npaug thaum koj xav tias neeg ntiaj teb cov tsis muaj txhiam xws txaus noj yog coob npaum cas.

Hnub no peb yuav hais txog qee yam tseem ceeb ntawm kev ua kom muaj khib nyiab los ntawm txhiam xws noj, thiab kev daws teeb meem qee yam uas tib neeg tab tom ua. Muaj ib tug thawj coj nyob hauv Kos Lim Naj, nws txwv tsis pub muab txhiam xws faus los tau 20 xyoo lawm. Tam sim no tej txhiam xws seem feem ntau ntawm lawv, raug hloov ua quav chiv, ua hluav taws thiab ua txhiam xws rau tsiaj noj. Yog qhov ntxim siab kawg thiab yog kev lag luam uas tshwm sim mus los tseeb tiag. Nyob As Mes Lis Kas teb, peb pom khib nyiab los ntawm txhiam xws noj ntau kawg. Ces 2 feem 3 ntawm peb cov txhiam xws noj, mas yog nkim pov tseg ua ntej yuav los txog koj thiab kuv. 16 feem pua ntawm tas cov txhiam xws uas nkim pov tseg yog los ntawm liaj teb los. Ua ntej yuav txog tsheb thauj thiab txog rau tej kiab khw.

Kuv kheev kheev hais tias zaub mov dawb yeej tsis muaj, cov neeg liaj neeg teb tau ntsib kev kub ntxhov ntau yam. Thaum peb hais txog liaj teb, mas xav txog cov qoob loo yus yuav tau los. Vim cov los pav lawv xav tau tej txhiam xws zoo zoo los ntawm liaj teb. Yog txhiam xws los qoob loo tsis zoo mas lawv kuj tsis yuav, vim lawv ntshai tsam nkim nyiaj pov tseg. Lawv tsuas yuav tej txhiam xws zoo dog dig kom siv tau xwb, ces qhov ntawd thiaj yog qhov muaj qoob loo tso pov tseg hauv liaj teb ntau ntau.

Dhau no lawm tseem muaj ntau yam teeb meem ntxiv. Tiag tiag mas qhov teeb meem loj yog kev txo se los ntawm tseem hwv. Muaj neeg feem coob xav kom txo se qis, vim cov neeg liaj neeg teb kuj raug them se ib yam li cov kiab khw thiab.

Kuv thiaj hais tias cov txhiam xws uas piam sij yog cov txhiam xws seem pov tseg, vim thaum peb hais txog tej txhiam xws seem, mas thawj yam peb nco txog yog khib nyiab. Cov khib nyiab muaj ntxhiab tsw, nws tsw lwj tsw phem, ces tej yam ntawd yog txhiam xws nkim pov tseg. Vim nws yog tej yam qias uas tsis muaj neeg xav kov.

Yog koj nug 100 tus neeg tias : koj puas tau muab tej yam txhiam xws hauv rhawv txias thau pov tseg dua, vim nws dhau hnub nyoog lawm ? Kuv xav tias peb yuav luag txhua tus yeej tsa tes tias tau, tab yog kuv kiag los kuv yeej tau ua zaum puav lawm thiab. Txhua yam txhiam xws noj uas tseem hwv teeb txoj cai tias dhau hnub nyoog thiab tsis txhob noj, mas tshwj xeeb yog cov mis pub me nyuam mos xwb. Tsuas yog tib hom mis pub me nyuam mos thiaj muaj txoj cai tag hnub nyoog raws tseem hwv txoj cai. Li ntawd, peb thiaj kheev kheev xav tias peb cov txhiam xws tsis zoo noj lawm, tab sis qhov tiag nws tsis yog li peb xav. Tus uas txiav tias nws cov txhiam xws tag hnub nyoog thaum twg thiab hnub twg, mas yog tus tsim cov txhiam xws tawm los thiaj paub txog. Ces peb thiaj xav tias cov txhiam xws ntawd tsis zoo noj thiab tsis tsim nyog khaws tseg. Peb kuj muaj qhov teeb tseg rau tej txhiam xws noj thiab, xws li ntsev. Ntsev yog hom tsis muaj tag hnub nyoog, vim ntsev txawm yuav ntev npaum li cas los peb tseem noj tau thiab tsis muaj qhov tsuag. Peb ho tig mus saib txog txhuv noj. Txhuv noj thaum muab luam tau tawm los ua txhuv, nws muaj ntau yam tsis huv nyob sib xyaws. Vim tias thaum peb zawv txhuv, mas peb yuav pom tias nws muaj ntau yam paug nyob hauv. Feem ntau mov peb yog cub nyob hauv tej lub tsu thiab tej lub lauj kaub uas tsis muaj cua, ces nws thiaj nyob tau ntev xws li tej taum pauv thiab lwm yam. Li ntawd, cov neeg As Mes Lis Kas teb thiaj nkim zaub mov pov tseg li ntawm 1 feem 4 ntawm cov txhiam xws uas lawv muas los. Dhau ntawm tej txhiam xws peb tso nyob hauv qhov chaw rau zaub mov lawm, peb tsis nco tias nws puas piam sij los tsis piam. Tej txhiam xws tsis zoo noj ntawd kuj coj mus ua chiv tau thiab. Kev ua chiv nws muaj ntau txoj kev thiab ntau yam sib xyaws. Qhov ntawd peb yuav tsum tau kawm kom paub txog peb thiaj ua tau.

Kev yuav txhiam xws noj, koj yuav tsum paub tias koj yuav txhiam xws tsis txhob ntau dhau. Yog koj yuav txhiam xws noj kom txaus thiab yuav tsawg, mas nws yog ib qho pab txuag nyiaj. Koj yuav tshawb nrhiav nyob hauv Online kom paub tias kev khaws txhiam xws noj kom zoo yog li cas. Yam twg tso nyob hauv rhawv txias thiab yam  twg tso rau sab nraud. Peb tau tham me ntsis txog qee yam ntxhov ntawm kev siv nyiaj los thauj txhiam xws noj, tshwj xeeb yog cov tsheb muaj rhawv txias rau txhiam xws uas khiav kev deb. Cov nkoj thauj txhiam xws noj ntawm Sis Lis teb mus rau As Mes Lis Kas, nws siv sij hawm khiav ntau txhiab miles. Ua ntej koj yuav tau noj cov txhiam xws ntawd nws siv sij 2-3 txhiab miles koj thiaj tau noj. Yog koj yuav cov txhiam xws nyob ze koj hauv tej liaj teb, mas tus nqi yuav kim zog. Kev ntsia txog tej txhiam xws koj xav yuav, nws kuj yog qhov tseem ceeb. Koj xaiv yuav nyob hauv tej kiab khw uas nyob ze koj tsev nws zoo dua. Hnub no peb tham los tso tseg li no xwb, lwm zaus peb mam rov los tham dua. Nej sawv daws nyob zoo !