Tswv yim tsim tawm, tej yam yuav ntsib thiab lub sij hawm. (Artificial intelligence)

Tswv yim tsim tawm, tej yam yuav ntsib thiab lub sij hawm. (Artificial intelligence: challenges and opportunities)

Tswv yim tsim tawm (AI), tab tom hloov lub ntiaj teb mus sai kawg. Nws muaj qhov ua rau ntshaw thiab muaj ntau yam tseem ceeb uas yuav ntsib. Ntxiv mus no yog piav txog qee yam ntawm kev tsim tawm.

Koj puas xav kom kuv muab qhov tob tob hauv AI los hais los tsis xav ? Yog paub txog AI yav tom ntej, nws yog qhov pauv ntxeev sai heev. Vim kev tsim tawm zim txwv no tab tom vam meej mus sai heev thiab yog qhov raws qab nyuab kawg.

Hais txog Technical lub tswv yim tsim tawm (AI), yog ib txog hauj lwm ntawm Technology uas tuaj yeem pab sau cov Program tsim tawm nyob hauv hardware thiab software ua teeb nyob hauv tej tshuab. Qee yam ua tau zoo li yog tib neeg, xws li kev paub pom ntawm ntsiab muag, thaj chaw thiab sij hawm. Nws yog tej yam ua ntsia pom tias txawv qhov tseeb nyob hauv peb lub neej niaj hnub. Vim nws ua tau ntau tshaj qhov peb xav tau thiab xav tsis txog, txij li cov yeeb yaj duab mus txog rau kab lis kev cai. Txij tej tsheb mus txog kev sib xa xov thiab lwm yam. Nyob hauv txheej neeg no, AI ua kom ntsia pom nyob hauv cov tuam tsev tsim toob xib, kev kawm txuj thiab xyaum kom paub txhua yam nyob hauv peb lub neej.

Qhov tseeb tiag lub tswv yim tsim tawm tab tom npaj tib neeg lub neej yav tom ntej nyob hauv yuav luag txhua fab hauj lwm. Nws yog tus txav mus los ntawm Technology txheej tshiab. Yam li tej ntaub ntawv loj thiab me, neeg hlau. Ces zoo li AI tab tom yuav pauv lub ntiaj teb tshiab ntxiv mus, nws yog zoo li cas tiag ?

Lub zog ntawm AI uas nyob hauv Technology ib feem, yog los ntawm teeb meem hauv hlwb hlau (Computer). Vim AI nyob hauv hlwb hlau nws tuaj yeem kav tag txhia yam, thiab ua tau sai dua lub sij hawm uas neeg ua.

Lub tswv yim tsim tawm (AI), muaj ntau yam thiab qee yam ua rau peb ntsib teeb meem yuav tsum daws kho AI ntxiv mus. AI ua kom muaj lus nug hais txog kev ncaj ncees ntawm tib neeg ntiag tug, lub tswv yim, kev lees txais txhua yam thiab kev coj mus siv ua tej yam txhaum. Kev siv AI qee zaus yog hla tib neeg txoj cai, ua tau tej yam tsis ncaj ncees thiab coj neeg yuam kev mus ua tej qho txhaum thiab raug txim loj. Dhau no lawm, tseem muaj kev txhawj xeeb txog kev dawb huv thiab lub peev xwm ntawm AI ntau heev. AI muaj peev xwm kawg nyob hauv cov hauj lwm niaj hnub thiab kev ua hauj lwm txav mus los nyob hauv Technology. Kev siv AI ua rau neeg poob hauj lwm coob leej thiab yuav tsum tshais chaw mus nrhiav hauj lwm ua dua tshiab nyob lwm qhov chaw. Cov hauj lwm neeg ua yog cov hauj lwm tau nyiaj tsawg thiab tus nqi zog qis heev.

AI yog qhov chaw pib ntawm lub sij hawm tshiab uas tsis tuaj yeem teeb tau. Vim nws ua hauj lwm nws tus kheej thiab ua tau zoo heev. AI ua rau cov hauj lwm nyob hauv tej tsev tsim toob xib thiab lwm yam hauj lwm nws txawj khiav nws. Kev siv AI ua rau txuag tau nyiaj thiab nqis peev pheej yig, ces tib neeg nyiam siv AI lub tswv yim tsim tawm los ua hauj lwm ntau dua. Zim txwv no tib neeg pom ntau yam tshiab nyob hauv kev kho mob, nws yog qhov siab heev ntawm AI. Muaj kev kho mob zoo thiab saib xyuas lub cev ntaj ntsug tau zoo dua qhov yus xav. Kev kho neeg mob, kev tshawb fawb soj ntsuam tshuaj thiab saib xyuas neeg mob. AI tuaj yeem xav tswv yim tawm thiab sau cim txog kab mob, kom tau txiav txim siab hais txog kev kho tus neeg mob.

AI tseem pab tau ntau yam nyob hauv kev tshawb fawb, ntsuas deb ntsuas ze thiab kev siv hais txog tshawb fawb tshuaj thiab nroj tsuag xyoob ntoo. Ntsuas thiab tshawb fawb txog txhua yam nyob nruab ntug thiab saum npoo av.

Vim kev siv AI, kev kawm txuj txheej tshiab thiaj raug muab coj los siv nyob hauv fab kev kawm uas yog vam txog AI ntaus thawj. Kev soj ntsuam tib neeg, kev soj ntsuam kev pauv ntxeev thiab kev qhia kom haum rau cov tub kawm.

Qhov kawg AI yuav muab kev txawj ntse tshiab rau cov neeg siv, kom tau siv AI ua lawv cov hauj lwm thiab kev ua lag luam ntawm tus kheej kom tiav log nyob hauv kev ua hauj lwm sai. Ces xav tias yuav yog ib qho cov neeg siv txaus siab.