Lub khaub lig cua Yas Nkis : muaj dej nyab thiab toj pob txhub neeg tuag ze 200 leej nyob Nyab Laj teb
Tswv Qhia hais tias lwm lub teb chaws nyob As Xias toob fab naj kuj tau txais kev kub ntxhov ib yam nkaus. Dej nyab mus txog rau tej rooj ua thaj txi Ntuj hauv tsev teev Ntuj. Lub Cheeb Koom Txoos Chaingrai nyob Thaib teb. Kev sib xa xov thiab kev mus kev tawm rooj tsis xwm yeem nyob hauv xeev ntuj.
Lub khaub lig cua Yas Nkis tau los raug thiab ua kev piam sij rau qee xeev ntuj nyob As Xias toob fab naj. Tshwj xeeb tshaj yog Nyab Laj qaum teb. Ua rau neeg tuag 197 leej. Raws kev soj ntsuam ntawm lub Leej Haum Kuj peev nyiaj txiag pab cov me nyuam yaus (UNICEF). Lub khaub lig cua no, ua kev piam sij rau vaj tse tshaj 140,000 lub nyob hauv 26 lub xeev nyob Nyab Laj qaum teb. Nyab Laj lub pwm tsav fab kev ua liaj ua teb tshaj tias : tsoom pej xeem tej qoob loo muaj tshaj 250,000 hev taj piam sij thiab tej tsiaj tuag coob kawg. Nyob hauv lub nroog Hanoi, qee txoj kev tsheb raug dej nyab ploj tas. Ua rau cov tsheb khiav mus los thiab khiav tawm hauv lub nroog raug nres tas. Toj pob txhub lub zos Nus uas muaj 37 yim neeg, muaj 158 leej neeg raug av txhub nyob hauv lub nroog Bao Yen, xeev Lao Cai. Yog vim cov kev tsheb tsis zoo thiab dej nyab, ces cov tub tseem hwv pab neeg thiaj tuaj txog qeeb li ob peb teev.
