Tsis pes tsawg hnub dhau los no, cov tub saib xyuas hav zoo thiab cov pej xeem tau txwv tsis pub 300 tawm tus neeg caij tsheb taug kev hla Puttalam-Marichchikadai, vim txoj kev ntawd hla lub hav zoov uas muaj nroj tsuag xyoob ntoo thiab ntau hom tsiaj muaj txoj sia. Koog hav zoov ntawd raug hwm nyob hauv xyoo 1938 thiab rais ua qhov chaw sib tua rog los txog zim txwv no. Tam sim no tsuas muaj tib lub tsev txiav txim xwb thiaj tuaj yeem txuag thiab ua tau txhua yam nyob rau haud.
Ob peb hnub dhau los no, muaj 2 tug nom sawv pej xeem cev neeg Xis Laas Kas caij tsheb nkag mus hauv lub hav zoov Wilpattu thiab hla txoj kev txwv uas tsim tawm thaum tus Txoov Tim Tswv Mahinda Rajapaksa tseem ua nom kav. Cov tub saib xyuas hav zoov thiab tsoom pej xeem txwv tsis pub 300 tawm tus neeg uas yog yawg Ali sabri Raheem thiab yawg Kader Masthan nkawd coj cov neeg ntawd caij tsheb hla. Lub tsheb khiav taug kev ntawd yuav siv txoj kev Puttalam-Marichchikadai hla Kallaru uas yog thaj tsam muaj hav zoov thiab txwv tsis pub neeg nkag mus. Koog hav zoov Wilpattu raug txwv txij xyoo 1938 los lawm thiab qhov dav yog 13,500 hectares. Wilpattu yog nyob ntawm ntug hiav txwv Xis Laas Kas xib fab pej.
Thaum muaj kev sib ntaus sib tua, mas lub hav zoov no yog ib lub tshav rog. Tom qab kev sib ntaus rog tiaj tus hauv xyoo 2009, lub Koom Haum NGO fab txuag txhua yam nyob ib puag ncig thiab lub Koom Haum Environmental Foundation Limited pom tias muaj kev qhib 2 txog kev tsheb nyob hauv lub hav zoov ntawd. Yog ua npaj tseg rau cov tub rog. Ib txoj yog raws ntug dej hiav txwv mus rau Kudiramalai, hos ib txog yog txoj kev Puttalam-Marichchikadai txiav lub hav zoov ua 2 phab.
