Kev muab siab rau ua kom txhob muaj khib nyiab ntawm Fis Lis Pees, yuav vam txog cov tub zog tsis raug cai

Tsoom pej xeem nyob ntawm ib tus ntug dej me me nyob Mas Nis Las, lawv ntsib teeb meem los ntawm cov ntaub npog qhov ntswg, cov hwj roj hmab thiab lwm yam khib nyiab uas muab pov tseg lub caij tus kab mob COVID-19 sib kis. Tau pib cov hauj lwm khaws nyias tej khib nyiab, ces ua rau cov tub zog uas lawv yog poj niam tau kev nrhiav nyiaj tuaj. Cov neeg cheb kev tsheb, cov tsav tsheb thiab cov tub tseem hwv uas saib tus me nyuam dej ntws ntawm lub Koom Haum Tagumpay 83Zero Waste Association, lawv ua cov hauj lwm tu tus dej kom huv. 

Lawv yuav thiab khaws cov khib nyiab ntawm cov neeg nyob raws tus dej ntws li 7,500 leej, hauv cov zej zog 24 lub thiab hauv 5 lub tsev kawm ntawv. 

Dhau no lawm lawv tseem qhib tej lub tsev muag khoom qub qub kom tau nyiaj los ntawm tej khib nyiab uas lawv tau khaws los, xws li cov hwj roj hmab uas siv ib zaug xwb muab pov tseg thiab cov roj hmab tawv tawv. Lawv muab muag rau cov tsev tsim dua tshiab, ces lawv tau nyiaj kawg.

Lub Koom Haum yog ib lub hauv ob pab neeg nyob Mas Nis Las, uas tau txais kev xaiv tsa los ntawm lub Leej Haum Kuj los yog UN-Habitat. Kom tau txais kev xyaum hais txog tu tej khib nyiab thiab nrhiav nyiaj txiag los ua cov hauj lwm. Tab sis tsoom pej xeem feeb coob tseem ntsib teeb meem hauv kev khaws khib nyiab thiab muab tej khib nyiab ntawd rov los siv dua nyob hauv lub teb chaws uas txhua yam muaj tsis txaus hais txog kev tu khib nyiab. Vim niaj xyoo muaj khib nyiab ntau ntau txhab tuaj tas zog.