Lub ntiaj teb tab tom qhia peb nyob hauv cov huab cua kub, cov dej khov yaj thiab muaj khaub lig cua heev zuj zus. Tab sis peb tseem ua xyem xyav thiab nyob hauv qhov tsis ua dab tsi kiag. Kev tshawb fawb ntawm lub tsev kawm txheej siab Fudan nyob hauv Suav teb, ua kom pom txog qee yam txaus ntshai hais txog peb tej kev ua los tiv thaiv huab cua pauv ntxeev. Kev nyob tos kom muaj kev piam sij, tsis yog qhov txhawb nqa peb tej kev muab siab rau. Tab sis nws rhuav tshem lub zog uas xav pab tus kheej. Kev tshawb fawb no qhia txog qhov tseeb ntawm tus zauv uas txaus poob siab. Cov kws tshawb fawb soj ntsuam txog yam uas tshwm sim hauv zej zog hloov siv fossil, mus rau lub zog tsim dua tshiab los ntawm kev siv tus qauv uas xav txog kev lag luam, Technology thiab peev nyiaj txiag nce siab tuaj hauv kev piam sij los ntawm huab cua pauv ntxeev. Tej kev txhawj xeeb uas lawv tshawb pom tias ; cov tseem hwv lees txais thaum muaj kev piam sij los ntawm huab cua pauv ntxeev, mas kev nqis tes yuav tau siv zog tuaj. Thaum kawg nws yuav yuam kom peb hloov dua kev ua.
