Cov thawj coj Kav Tos Liv rov qab hais txog kev muab siab rau daws teeb meem huab cua uas hluav taws kub, thaum muaj lub rooj sab laj COP30

Cov sawv cev ntawm Kav Tos Liv hais tias ; qhov hluav taws kub nyob hauv qhov chaw tsa lub rooj sab laj COP30, uas tab tom hais txog huab cua pauv ntxeev ntawm lub Leej Haum Kuj, nyob hauv lub nroog Belem, nyob Nplas Xis teb. Yog lub cim ceeb toom txog qhov tsis muaj zog ntawm lub neej thiab kev muab siab rau teeb meem huab cua. Lawv hais tias cov xwm txheej hnub tim 20 lub 11 hlis, tau txhib txog kev muab siab rau ntawm Vaj Qhia Fas Ntshis Kus txoj kev ntseeg hais txog kev saib xyuas txhua yam nyob ib puag ncig. Thiab kev daws teeb meem huab cua uas raug ntsia pom tias; yog cov hauj lwm ncaj ncees ntau dua qhov uas sib cog lus hauv kev tseev tsim. Hluav taws tau kub lub tuam tsev Pavillion of Countries hauv Blue Zone’s, ua rau muaj neeg khiav tawm coob kawg. Cov neeg khiav tawm ntawm lub rooj sab laj uas yog ntu kawg hauv kev sib tham. Cov neeg tau sib tham ntau zaus nyob rau yav lig, kom tau kho qhov sib txawv hauv kev pauv ntxeev los ntawm fossil. Kev cog lus fab peev nyiaj txiag rau huab cua thiab kev pauv ntxeev hauv kev ncaj ncees, tseem muaj kev sib cav hais txog kev tseev tsim uas hais tias ‘txhob siv’ fossil, los yog siv tej lo lus mos lus muag hauv kev pauv ntxeev. Cov teb chaws uas tab tom txhim kho tseem taij thov qhov meej tseeb hais txog kev cob nyiaj txiag, nrog rau peev nyiaj txiag puas yuav daws kho nrog lub hom phiaj uas ntsuas tau.