Lub zog av qeeg yuav luag txog 7 Richter nyob hauv lub nroog Cebu thiab cov xeev uas nyob sib ze. Ua rau neeg tuag 69 leeg thiab tseem muaj cov tuaj ntxiv. Lub tsev teev ntuj Santa Rosa de Lima uas nyob Daanbantayan tseem nyob hauv kev puas tsuaj. Lub Cheeb Koom Txoos hais tias : “Thov kom kev puas tsuaj zaum no ua kom sawv daws txawj koom ua ib lub siab, muaj kev khuv leej thiab txoj kev ntseeg ntawm Tswv Ntuj rov qab los nyob hauv peb.” Lub tsev teev Ntuj Santa Rosa de Lima, yog qhov chaw tseem ceeb nyob hauv cov liv xwm uas raug txuag cia zoo heev. Tab sis tau txais kev piam sij loj kawg. Tshwj xeeb tshaj yog lub tsev teev Ntuj sab pem hauv ntej piam sij thiab lwm lub tsev teev Ntuj kuj piam sij.
Tus Tswv Qhia Alberto S Uy uas nyob Cebu, nyuam qhuav raug xaiv tsa tshiab. Nws tau coj cov neeg ntseeg sib koom thov Ntuj rau kev nyab xeeb, thiab kev txuag pov hwm sawv daws tom qab av qeeg. Tswv Qhia tseem thov kom txhua lub tsev teev Ntuj Fis Lis Pees uas teeb nyob hauv Pacific Ring of Fire ceev faj, vim yog qhov chaw yuav raug xwv txheej los ntawm npoo ntiaj teb. Nws kheev kheev ua kom av qeeg thiab cov roob hluav taws tawg kub hnyiab ntau zaus. Av qeeg feem ntau tsis muaj ceem thiab tsis muaj neeg hnov txog. Tab sis muaj ceem thiab ua kev piam sij loj zoo li nag hmo, nws tuaj yeem tshwm sim tau txhua lub sij hawm.
