Xes Xis Lias yug thaum tiam 2 nyob hauv Los Mas. Xes Xis Lias niam thiab txiv muab nws khaib rau tus hluas Vas Les Lees, tab sis Xes Xis Lias xav ua ib tus ntxhais nkauj ntshiab rau Tswv Ntuj. Vim li ntawd, Xes Xis Lias thiaj yoo mov thiab thov Tswv Ntuj tsoom Tshiab kom pab nws.
Muaj ib hnub, Xes Xis Lias hais rau Vas Les Lees tias “Kuv yuav qhia kuv txoj kev zais rau koj, kuv muaj ib tus Tshiab pov hwm kuv. Kuv tus Tshiab no yuav rhuav cov neeg los zes kuv.”
Thaum Vas Les Lees hnov li ntawd, Vas Les Lees thiaj kom Xes Xis Lias hais tus Tshiab tawm los rau Vas Les Lees pom. Xes Xis Lias thiaj xa Vas Les Lees mus cuag Vaj Qhia Aws Npas. Tom qab Vaj Qhia Aws Npas ua Cim Ntxuav rau Vas Les Lees tas lawm, Vas Les Lees rov qab los txog tsev; Vas Les Lees pom Xes Xis Lias tab tom thov Ntuj nyob hauv chav tsev siab, muaj ib tus Tshiab nrog Xes Xis Lias nyob. Tus Tshiab ntawd ob txhais tis cig cuag plaim taws, hauv tus Tshiab txhais tes tuav ib lub kaus mom paj ntshua nplaim thiab paj nroj. Tus Tshiab muab lub kaus mog paj los ntoo rau nkawd tas ces nws thiaj yaj ntshis lawm.
Tom qab Vas Les Lees hloov siab tshiab thiab raug tus vaj Los Mas tua tuag, Xes Xis Lias tau tawm mus qhia txoj kev ntseeg rau tsoom sid ua rau muaj neeg hloov siab tshiab txog 400 leeg. Xes Xis Lias raug ntes thiab raug kaw hauv lub tsev da dej tsaus ntuj nti thiab tseem rauv taws txhiab kom lub tsev da dej vaum kom Xes Xis Lias tuag. Txawm li ntawd los Xes Xis Lias tsis quaj thiab tsis thov ib los li.
Tus vaj Los Mas As Mas Kis Us pom li ntawd, nws thiaj coj Xes Xis Lias los txiav caj dab. Txawm tias Xes Xis Lias raug txiav caj dab txog 3 zaug los nws taub haut sis tu, txuas muaj ntshav nws tawm los ntawm caj dab xwb. Xes Xis Lias raug tsim txom li ntawd tau 3 hnub ces nws thiaj mam tuag nyob rau xyoo 230.
Xes Xis Lias txoj kev tuag yog ua tim khawv txog txoj kev ntseeg, ua tim khawv txog kev ncaj ncees; yog li xyoo 1599 Xes Xis Lias thiaj raug tsa ua Leej Ntshiab.
