Tswv Qhia Goh txhib kom cov neeg Xees Cas Pos kawm kev ntseeg ntawm cov neeg thoj nam
Tus Tswv Qhia Liab William Goh uas nws nyob Xees Cas Pos teb, thov kom cov neeg ntseeg saib cov neeg thoj nam ua tus piv txwv ntawm lawv txoj kev ntseeg thiab lub peev xwm. Nws hu lawv ua : “Cov tub txib ntawm kev cia siab”. Lawv lub zog yog qhov txhawb nqa lub Koom Txoos fab ntsuj plig hauv kev tshaj lub Moo Zoo. Lub thaj txi Ntuj hauv lub tsev teev Ntuj hwm Leej Ntshiab As Nas nyob Sengkang, yog cov neeg thoj nam nyob thoob ntiaj teb hnub thiab yog zaum tim 111.
Tswv Qhia Goh tau hais txog Vaj Qhia Fas Ntshis Kus tsab ntawv nyob hauv cov kab ke xyoo no. Nws txhib cov neeg ntseeg tias cov neeg thoj nam kheev kheev coj lub Moo Zoo tuaj nyob hauv kev muab siab rau. Lub thaj txi Ntuj muaj cov neeg thoj nam thiab cov neeg ntseeg li ntawm 500 leej tuaj sib koom ua ke. Muaj kev ua yeeb yam hauv tej kab lis kev cai thiab zaub mov noj ntawm cov neeg thoj nam 8 lub zos.
Hauv Tswv Qhia cov lus nthuav ntawv Moo Zoo, nws hais txog cov tub zog uas yog neeg thoj nam. Lawv nyob khov kho hauv lawv txoj kev ntseeg, tab txawm lawv yuav ntsib kev txom nyem li cas kuj xij. Ces tsim nyog ua lub zog txhawb siab rau cov neeg ntseeg hauv zej zog kom lawv txawj sib hwm thiab sib koom ua ib lub siab ntxiv mus.
Nco txog Vaj Qhia Fas Ntshis Kus cov lus hauv cov neeg thoj nam hnub nyob ntiaj teb. Vaj Qhia hais tias cov neeg thoj nam tsis yog cov tau txais kev khuv leej xwb, lawv tseem yog “cov tub txib ntawm kev cia siab” thiab. Lawv coj kev ntseeg qhov pom kev mus rau tej thaj chaw tshiab.
