Hais txog qhov tias Tswv Ntuj tau coj Mab Liab lub cev thiab tus ntsuj plig mus saum ntuj, mas lub Koom Txoos Kav Tos Liv muaj ntau zaj piav txog qhov ntawd, muaj tej zaj hais tias thaum Mab Liab puv ib puas nees nkaum xyoo, ces Yes Xus cov thwj tim coj Mab Liab mus zais. Tag kis, lawv rov mus xyuas thiab mus pleev tshuaj tsw qab rau Mab Liab lub cev raws li cov His Xas Lais txoj cai, cas tsis pom Mab Liab lub cev lawm, tsuas pom muaj ib co paj ntoos ntau ntau tsw qab ntxiag nyob hauv xwb. Lawv hnov cov dab ntuj hu nkauj zom zaws cav txog Tswv Ntuj. Ces lawv thiaj paub tias Yes Xus tau tsa Mab Liab sawv rov los, nws coj Mab Liab lub cev thiab Mab Liab tus ntsuj plig mus saum Tswv Ntuj Lub Ceeb Tsheej lawm.
