Xov Xwm Koom Txoos

Xov xwm, hnub tim 10 lub 8 hli 2026

Xov xwm, hnub time 8 lub 8 hli 2026

Duab ntxias dag rais ua kiab khw hauv Digital.

Tab txawm muaj xwv txheej phem nyob puag ncig, tsis kav lub tsev kho mob no tseem muab siab rau yuav ua qhov chaw ntawm kev cia siab. Peb cov hauj lwm muaj tus yam ntxwv raws li cov neeg ntseeg, txawj sib hwm, sib koom tes thiab xav ua hauj lwm rau lwm tus tiag tiag.

Thawj zaug uas Leej Phauj Judita mus txog Xis Lias teb, mas nws hais lus Hes Laas tsis tau thiab yuav tsum hloov tus kheej kom haum nrog tej kev kho mob txawv. Nws piav thiab luag ntxhi tias : “Kuv paub lus Fab Kis thiab kuj paub lus Aas Kiv me ntsis. Tab sis ob xeem lus ntawd sib xyaws nyob hauv kuv lub paj hlwb.” Nws maj mam xav tswv yim sib tham thiab hloov tus kheej kom haum rau cov hauj lwm phais neeg.

rog, thiab kev txom nyem.
Nyob Damacus nws yog tus uas sawv daws paub hauv lub npe tus Leej Phauj ua hauj lwm hauv ‘Tsev kho mob Fab Kis’, uas yog nws thiab nws lub Koom Haum saib xyuas ib lub tsev kho mob Kav Tos Liv. Nws hais txog cov neeg ntseeg tej kev ntshai, kev tsiv teb tsaws chaw ntawm cov tub ntxhais hluas thiab lawv txoj kev cia siab uas tau muab rau cov neeg mob hauv niaj hnub.

Hais txog tus tub tshaj Ntuj Lus PIME uas tau tuaj txog lub nroog Chiangmai thawj
zaug hauv 10 tawm xyoo dhau los, kom tau kawm xeem lus Thaib.

Hnub chiv tim 2 lub 8 hlis 2026

FABC lub rooj sab laj loj zaum tim 12 ntawm cov Tswv Qhia As Xias tau xaus nyob
Jakarta, thiab npaj txhij rov nqua hu dua kom cov tsev teev Ntuj Kav Tos Liv nyob As
Xias lees txais Synodal txoj cai nyob hauv kev ua tsev teev Ntuj. Kom tau txhawb nqa
kev sib koom tes, kev sib tham thiab cov hauj lwm hauv kev tshaj lub Moo Zoo mus
thoob xeev ntuj.

Hauv hnub kawg ntawm FABC lub rooj sab laj loj zaum tim 12 yuav xaus, mas Txiv Plig
Devadass tau teeb ib lo lus nug txog yav tom ntej ntawm lub rooj sab laj tias :
“Peb yuav tshais ruam ntxiv mus li cas ?” Lub rooj sab laj tau tshais ruam ntawm lub
zog txhawb siab mus rau kev tuav xam thiab yav tom ntej, uas hais txog qhov muaj
qab muaj quag hauv kev pauv ntxeev lub pwm tsav As Xias.

Kev txhawj xeeb loj tshaj uas tshwm sim los ntawm AI lub tswv yim tsim tawm, yog lub
peev xwm hauv kev cais qhov tseeb ntawm qhov cuav.

Lub Koom Txoos nyob As Xias yuav ua tshaj qhov hais txog hauv kev sib koom, thiab
yuav tsum txaus siab faib peev txheej, lub peev xwm, lub sij hawm thiab txhawb nqa
fab nyiaj txiag kom tau ua lub Koom Txoos cov hauj lwm ua ke.

Tswv Qhia David uas nws yog tus lwm thawj tswj cov Tswv Qhia As Xias (FABC) hais
tias : “AI lub tswv yim tsim tawm tsim nyog yuav raug lees txais ua ib yam twj pab
tshaj lub Moo Zoo, ntau dua qhov peb yuav ntshai tias yog kev phom sij.”

Tswv Qhia David hais tias : “Kev pauv ntxeev mus rau txoj cai Synodal yuav muaj nuj
nqis, tsuas yog thaum coj lub Koom Txoos tawm mus rau cov hauj lwm sab nraud
xwb.” Nws hais cov lus no xaus FABC lub rooj sab laj loj zaum tim 12, nyob Jakarta.

Lub rooj sab laj loj zaum tim 12 ntawm cov Tswv Qhia As Xias (FABC), los xaus rau
hnub tim 26 lub 7 hli no lawm. Yog xaus rau lub thaj txi Ntuj loj nyob hauv lub tuam
tsev teev Ntuj tos txais Niam Mab Liab nce mus saum ntuj nyob Jakarta, xa cov Tswv
Qhia thiab cov sawv cev rov mus rau lawv tej tsev teev Ntuj nyob hauv zej zog, hauv
kev muab siab rau txhawb nqa kev sib koom ua siab thiab tuam choj txuas kev sib raug
zoo nyob thoob As Xias teb.

Cov kab ke kaw cov Tswv Qhia As Xias lub rooj sab laj loj zaum tim 12, tsis yog npaj
nyob hauv tsev teev Ntuj, tab sis yog npaj nyob ntawm txoj kev tsheb nyob Jakarta.

Lub Koom Txoos As Xias yuav xav txog Tswv Ntuj kev nyob uas ua hauj lwm nyob
nruab nrab hauv nws cov neeg, ua ntej yuav nrhiav kev tshaj lub Moo Zoo. Tswv Qhia
Ferrao hais cov lus no rau cov sawv cev hauv lub thaj txi Ntuj xaus FABC lub rooj sab
laj zaum tim 12, hnub tim 26 lub 7 hli no.

Kev sab laj ntawm lub pwm tsav yuav coj lub Koom Txoos kom mus nyob ze Yes Xus
dua qub, thiab muaj txiaj ntsim hauv kev nqis tes ua tiag tiag. Tsis yog tias hauv tej
ntaub ntawv, cov qauv los cov hauj lwm xwb. Tswv Qhia Ferrao hais cov lus no rau
cov sawv cev hauv lub thaj txi Ntuj xaus FABC lub rooj sab laj zaum tim 12, hnub tim
26 lub 7 hli no.

Cov sawv cev tsoom tub ntxhais hluas Thaib, koom ua pov thawj hauv kev tsuj xeeb nyob Vas Tis Kas.

Kev ntseeg nyob As Xias yuav loj hlob los ntawm tib neeg lub neej ntau dua hauv tej
chav kawm, thiab kev sib cav txog kev ntseeg. Lub Koom Haum kev ntseeg OTC ntawm
cov Tswv Qhia As Xias (FABC) hais nyob hauv lub rooj sab laj loj zaum tim 12, uas yog
hnub tim 21 lub 7 hli no, hauv lub tsev txais qhua Mulia nyob Jakarta.