Kev ntov ntoo luaj hav zoov nyob Amazon. (Deforestation in the Amazon)
Nyob hauv 5 xyoos, mas koog hav zoov Amazon piam sij li ntawm 23 plhom tawm hev taj, los sis yuav luag luaj li Aas Kiv teb. Qhov no yog kev soj ntsuam los ntawm Amazon Network Information los yog (RAISG). Ua kom pom txog kev ntov ntoo luaj hav zoov uas tshwm sim hauv 3 tug yam ntxwv txij xyoo 2021 txog xyoo 2025. Xws li teeb meem xub xav ua ntej, kev xav ua ntej tsis ntxaws thiab kev xub xav txog yav tom ntej. Tus yam ntxwv ntawm kev xub xav ua ntej, pom tias nyob hauv 5 xyoos xwb cov hav zoov laus uas yog thaj hav zoov loj tshaj nyob ntiaj teb piam sij lawm ib nrab nyob hauv cov thaj tsam piam sij 20 xyoo dhau los, uas yog 54 plhom hev taj.
Kev ntov ntoo luaj hav zoov, yog thawj yam teeb meem ua kom huab cua piam sij nrog rau tej dej ntws muaj tsawg tuaj. Tina Oliveira-Miranda hais tias : “Kev ntov ntoo luaj hav zoov nws cuam tshuam txog ntau yam, xws li hluav taws qus yog hais txog kev tso pa iav thiab ua rau huab cua tsis zoo. Kev soj ntsuam cov hav zoov Amazon xyoo 2025, uas RAISG hu tias “xeev ntuj Amazon” nws khav tas 9 lub teb chaws thiab dav li 850 plhom hev taj. Qhov hais no yog xam tag nrho cov niam dej Amazon huv si nrog rau cov roob Andes, Cerrado, Chaco thiab Pantanal.”
Hav zoov piam sij hawm 54 plhom hev taj nyob hauv 20 xyoo.
Raws kev tshaj tawm ntawm International hais tias : cov hav zoov Amazon yog qhov chaw tas cov tsiaj qus nyob hauv ntiaj teb no 30 feem pua nyob. Muaj kev tshawb fawb pom ntau yam nroj tsuag thiab tej hom tsiaj txawv txawv tas mus li. Txawm li cas kuj xij, kev ua kom hav zoov tag sai yuav ua rau tej tsiaj nruab nrag tu noob thiab ploj mus, ces kev tshawb fawb yuav tsis muaj ntxiv. Thaum xav txog cov ntsiab lus uas RAISG soj ntsuam tau, mas pom tias kev piam sij no twb tau tshwm sim ib zaug los lawm nyob hauv xyoo 2001 txog 2020. Lub hav zoov Amazon piam sij lawm 54 plhom hev taj, mas yog 9 feem pua ntawm cov hav zoov thiab dav li Fab Kis teb. Lub hav zoov Amazon nyob Nplas Xis teb raug kev piam sij ntau tshaj plaws. Txuas ntxiv los mas yog Npos Lis Vias teb, Pes Lus teb thiab Kos Loos Npos teb.
Xyoo uas cov hav zoov piam sij ntau tshaj plaws yog xyoo 2003, vim muaj cov hav zoov raug luaj ntov li ntawm 5 hev taj. Tseem hwv txoj cai cheb ntxuav cov neeg ntov hav zoov nyob Nplas Xis teb, ua rau muaj kev luaj ntov tsawg zog xyoo tom qab.
Txij xyoo 2019 los, kev luaj ntov hav zoov rov muaj heev zuj zus tuaj. Feem ntau yog los ntawm tseem hwv Nplas Xis cov neeg saib xyuas txhua yam nyob ib puag ncig ua tsis tau hauj lwm. Xyoo 2020 yog xyoo kawg ntawm kev soj ntsuam tshawb fawb los ua ke, thiaj pom tias cov hav zoov raug luaj ntov ntau dua 20 xyoo ua ntej no. Yog 2 plhom 700 txhiab hev taj.
Qhov txiaj ntsim uas ua rau neeg ntov ntoo thiab luaj hav zoov.
Raws kev soj ntsuam ntawm “Amazonia Under Pressure” uas yog RAISG tshaj tawm hauv xyoo 2020 pom tias : 66 feem pua ntawm lub hav zoov Amazon raug neeg quab yuam kom muaj kev ntov ntoo luaj hav zoov ua chaw yug tsiaj. 84 feem pua ntawm kev ntov ntoo luaj hav zoov nyob hauv 20 xyoo. RAISG hais txog qhov tseem ceeb ntawm kev luaj hav zoov, tsis yog qhov nws piam sij nws, tab sis yog los ntawm txhua yam tib neeg ua nkag mus rau hauv hav zoov, xws li kev tsheb, kwj deg thiab tej chaw nres tsheb.
Tej yam neeg txhim tsa, yog ua kev tsheb. Yog qhov uas ua kom muaj kev ntov ntoo luaj hav zoov ntau dua. Pablo Moutinho hais tias : “Yog tias muaj kev tuav xam txog keeb kwm kev ntov hav zoov, yuav pom tias cov hav zoov raug luaj ntov ua kev tsheb muaj tshaj 70 feem pua thiab mus deb li 50 kis los mev. Feem ntau yog cov kev tsheb pua roj hmab.” RAISG kws yees tias ib nrab ntawm lub hav zoov Amazon piam sij yog los ntawm ua kev tsheb. Ua rau neeg tau kev nkag mus kav tej hav zoov ywj siab thiab tsis muaj ciam. Ua kev kub ntxhov rau tsoom pej xeem tej liaj teb thiab tej hav zoov uas txoj cai kom txuag pov hwm. Cov kev tsheb tseem yog qhov chaw ntawm kev nyiag thauj ntoo thauj tej yam muaj nqis nyob hauv hav zoov tawm mus rau lwm qhov.
Kev nyiag ntov ntoo thiab lwm yam thiaj nthuav dav nyob hauv xeev ntuj no, vim tau txais kev txhawb nqa los ntawm kev muag ntoo hla mus txawv teb chaws. Kev cog yeeb dawb poob nyob hauv cov los pav yeeb dawb tes, cov hauj lwm txhaum kev cai ua rau cov neeg phem nyiag tho tej txoj kev nkag hauv hav zoov.
Pablo Moutinho ceeb toom tias tseem hwv muaj tej pab neeg saib xyuas lub hav zoov Amazon, lawv yog tiv thaiv cov neeg nyiag ntoo. Ces thiaj ua rau tus se muag ntoo nce siab tuaj. Yog peb tsis tig rov mus hloov pauv txoj cai kav dej av txhaum cai hauv lub hav zoov Amazon, mas yuav muaj neeg nyiag ua luam nees, muag riam phom thiab khawb qhov kub. Li ntawd peb yuav pom kev nyiag kav tej thaj av tshwm sim rau yav tom ntej.
Pes Lus thiab Nplas Xis raug kev kub ntxhov los ntawm kev ua kev tsheb.
Tus thawj tswj hwm ntawm Federation nyob hauv lub nroog Cagataibo nyob Pes Lus, nws khiav tawm ntawm nws thaj chaw lub 7 hli tsaib no, vim nws raug neeg tso hem thawj hem tias yuav muab nws tua. Cov hauj lwm lag luam txhaum kev cai, xws li nyiag ntov ntoo, cog yeeb dawb, ua luam nees thiab nyiag kav tej thaj av. Cov nom tswv zej zog tso cai pub av rau cov neeg tsis paub qab hau, ces ua rau cov thaj av nyob Amazon sab hnub poob ze lub roob Andes rais ua qhov chaw ntshai loj kawg. Nyob hauv lub 4 hlis xyoo 2020 txog lub 7 hli xyoo 2021, cov neeg nyob Cagataibo 4 leeg thiab 3 leeg nyob Ashaninka raug neeg nyiag tua los ntawm kev txeeb lawv thaj av. Indigena Kakataibo Norte y Sur uas yog qhov chaw cov neeg Cagataibo pej thiab naj hwm cia hauv xyoo 2021. Thaj av ntawd yog 149,000 hev taj. Lawv hwm tseg kom tau ua tej yam tseem ceeb, tab sis lawv ntsib tej yam phem kawg los ntawm txoj kev tsheb mus rau lub nroog Pucallpa, uas yog lub nroog loj tim ob hauv koog hav zoov Amazon nyob Pes Lus. Tseem muaj lwm pab neeg ua kev tsheb hla hauv lawv tej av thiab. Ces ua rau cov neeg phem tau zoo kev nkag mus hauv thaj tsam no yooj yim kawg, thiab muaj kev yug nyuj yug twm ntau dua qub tuaj. Yog tias txoj kev tsheb ntawm Pucallpa thiab Cruzeiro Sul uas nyob Acre nyob Nplas Xis teb ua tau tshab, mas xav tias yuav muaj ntau yam kev kub ntxhov ntxiv. Nyob sab Nplas Xis teb tsis deb ntawd, muaj kev nyiag ntov ntoo raws ciam teb uas neeg tab tom siv zog ua tas zog. Ntawd yog thaj tsam Amacro uas yog lo lus luv luv hais txog peb lub xeev nyob Nplas Xis teb, xws li Amazonas, Acre thiab Rondônia. Yog thaj tsam uas muaj neeg nyiag kav av ntau tshaj, nws muaj 142 qhov chaw.
Txij xyoo 2001 txog 2020 raws li RAISG tshaj tawm, mas thaj tsam txhim kho yav tom ntej Abuna Madeira/AMACRO piam sij lawm 4 plhom 500 txhiab hev taj. Cov thaj tsam nyob hauv xeev ntuj no muaj neeg nyiag ntov ntoo luaj hav zoov li ntawm 29 feem pua ntau dua cov xyoo ua ntej no. Ua kom pom tias cov hauj lwm pauv ntxeev uas yog siv av, xws li ua tshav yug tsiaj, khawb nyiaj khawb kub thiab ua kev tsheb tseem muaj heev zuj zus nyob hauv tej hav zoov nrog rau tsoom pej xeem kev ua noj ua haus. Xws li khawb qhov kub, cog coca, muag tshuaj nees thiab muag riam phom. Txhua yam no tab tom ua kom cov thaj tsam piam sij thiab ua rau tseem hwv cov neeg saib xyuas hav zoov tsis tau luag. Pab neeg soj ntsuam Google Earth Engine pom tias muaj hav zoov 55 hev taj uas neeg nkag mus txog thiab cov hav zoov yeej yuav raug ntov raug luaj. Ces txhais tias hav zoov tseem yuav piam sij ntau npaug ntxiv.
Xyoo 2020, kev ntov ntoo luaj hav zoov Amazon 76 feem pua yog tshwm sim nyob Nplas Xis teb. Tib xyoos ntawd kuj muaj kev nyiag ntov ntoo luaj hav zoov 32 feem pua nyob hauv tseem hwv thaj av uas muaj tag nrho 57 plhom hev taj.
Kos Loos Npos : tawm mus nrog tub sab, rov los nrog nyuj.
Thaj hav zoov Tinigua uas qhov dav yog 200,000 laij nyob qaum teb ntawm lub hav zoov Amazon nyob Kos Loos Npias teb. Yog qhov chaw txuas nrog txhua yam muaj txoj sia nyob Amazonian thiab Andean. Nyob qab teb muaj hav zoov laus, feem ntau yog nroj fab thiab txeeb kav dej av txhaum cai, kev nyiag ua liaj ua teb. Kev luaj tej ntug kev kuj ua kom muaj kev nyiag luaj teb ntov ntoo ntau kawg nyob hauv xeev ntuj no thiab.
Npos Lis Vias : Txoj kev tsheb tshiab, kev nyuaj siab tshiab.
Vim kev txhim kho kev ncig tsham teb chaws thiab kev siv hav zoov los ua qhov chaw pib mus hauv tej chaw nkag mus txog nyuab. Ces cov hav zoov ntawd thiaj txuag tau ntau xyoo los txog thaum muaj txoj kev tsheb tshiab. Txij xyoo 2005 los, muaj neeg txhab ntxiv tuaj sai kawg. Xav tias 10 xyoo dhau los no muaj neeg li ntawm 200,000 leej tshais chaw los nyob Chiquitanía uas yog qhov qub chaw muaj neeg nyob 80,000 leej. Txij ntawd los, muaj 1,400 lub zos sawv tshiab nyob hauv xeev ntuj ntawd.
Kev kav dej av ua rau tsoom pej xeem ua liaj ua teb ntau tuaj. Muaj kev txiav xyoob ntoo luaj teb ntau tuaj li ntawm 352 feem pua nyob hauv xyoo 2001 txog 2020. Cov hav zoov ib nrab raug luaj raug ntov ua tshav yug nyuj. 30 feem pua yog tsheb nrau ua liaj ua teb, feem ntau yog cog taum pauv thiab tej teb uas cog me nrwb me ntsis yog 20 feem pua. Kev muab hav zoov los hloov ua chaw yug tsiaj, yog los ntawm kev ntov ntoo luaj hav zoov 50 feem pua nyob hauv xeev ntuj no. Kev ua luam tshuaj nees thiab nyiag ntov ntoo ua rau huab cua ntawm xeev ntuj ntawd phem kawg. Tej dej nag uas niaj xyoo los kuj tsawg tuaj li ntawm 17 feem pua thiab ua rau lub ntuj qhuav ntev heev. Tab txawm muaj kev txuag pov hwm 2 qho chaw nyob hauv xyoo 2021, tab sis kev txiav xyoob ntov ntoo kuj tseem muaj yuav luag npaum li qhov qub. Vim kev nyuab siab ua ntu zus, ces ua rau kev txuag tej hav zoov kuj phem zus thiab.
Ua kom kev ntsia ntawm lub ntiaj teb mus rau qhov zoo, RAISG xav tias : kev txiav xyoob ntov ntoo yuav muaj tsawg li ntawm 10 feem pua nyob hauv 5 xyoos. Yuav tsum muaj kev txhim kho kom ntev rau yav tom ntej, nrhiav kev txuag pov hwm, txoj cai tsoom pej xeem siv yuav tsum zoo txaus thiab npaj txhua yam zoo rau kev txhim kev tsheb thiab pab tsoom pej xeem. Dhau no lawm tseem yuav tsum tsim kev txuag thiab soj ntsuam kom nyob hauv txoj cai txhua yam nyob ib puag ncig hauv lub hav zoov Amazon. Yog qhov nyuab kawg uas yuav ua kom lub ntiaj teb pom tias zoo, yog tias cov nom hauv zej zog thiab hauv lub teb chaws taw ntsoov mus rau fab kev khawb Rae, tsis hais roj a, Gas, hydrocarbons thiab lwm yam, xws li kub thiab coltan.
Raws li Pablo Mutinho hais tseg tias : “Kev txhim kho lag luam kom haum Amazon tiag tiag, yuav tsum ua kom kev txiav xyoob ntov ntoo kom txhob muaj ntxiv. Kev ua txhaum cai kuj tsis pub muaj, thiab faib kev khwv nyiaj thiab dej av kom sib npaug.”
Qhov no yog qhov tseem ceeb tshaj.
Yuav txhim kho txhua yam nyob ib puag ncig kom zoo thiab txhawb nqa kev ua liaj ua teb raws yim neeg. Txhua yam no yog hais txog kev pab fab Technical kom tau nrhiav txhiam xws rau cov neeg nyob txawm hauv Amazon. Thiab tuav xam txog kev kho tej kev tsheb kom dav fo.
