Cov xib hwb hauv cov tsev kawm ntawv Kav Tos Liv nyob Thaib teb, npaj txhij rau hnub qhib tsev kawm ntawv xyoo tshiab. Lawv txhib txog kev ncaj ncees thiab AI lub tswv yim tsim tawm
4,000 tus xib hwb qhia ntawv hauv cov tsev kawm ntawv Kav Tos Liv nyob thoob Thaib teb, tau sau npe kawm kev qhuab qhia npaj kom txhij ua ntej yuav qhib kev kawm xyoo no. Cov xib hwb hauv cov tsev kawm ntawv Kav Tos Liv muab siab rau ua cov hauj lwm txuas ntxiv thiab daws tej kev txhawj xeeb, nrog rau AI lub tswv yim tsim tawm thiab txhim kho cov tub kawm.
Kev qhuab qhia nyob Online uas yog lub pwm tsav kev kawm Kav Tos Liv nyob Thaib teb los yog CECT, hauv hnub tim 13 lub 5 hlis no. Yuav sau tas cov xib hwb nyob thoob Thaib teb tuaj sib sau ua ke txais kev qhuab qhia npaj rau hnub qhib tsev kawm ntawv. Yog hais txog fab ntsuj plig, kev qhia ntawv thiab kev ncaj ncees.
Lub tswv yim no pib tshwm sim, vim cov tsev kawm ntawv Kav Tos Liv xav tsim kev npaj kom txhij hauv cov sob kawm thiab kev kawm uas muaj nqis. Ua ke ntawd kuj yuav lees txais kev pauv ntxeev ntawm txhua yam nyob ib puag ncig hauv kev kawm kom paub. Thaum hnub qhib tsev kawm ntawv los ze zuj zus hauv lub 5 hlis no, mas cov xib hwb Kav Tos Liv nyob thoob Thaib teb tau txais kev txhawb nqa ntxiv rau lawv txoj kev paub hauv kev ua xib hwb qhia ntawv hais txog ; cog thiab txuag cov noob uas yuav tawg kaus nyob hauv cov tub kawm lub neej.
