Zam ntawv Moo Zoo zaj 1 : 29-34
“Pom Yes Xus tuaj cuag nws.”
Hauv lo lus no saib zoo li peb nyob ntawm tus dej Yos Las Das uas Yes Xus txais lub Cim Ntxuav. Zam tus tshaj lub Moo Zoo nws tib leeg xwb thiaj paub tias yuav hais li cas. Vim nws nyob hauv cov xwm txheej ntawd. Zam yog ib tug nyob hauv ob tus neeg uas tom qab no raws nraim Yes Xus thiab ua Yes Xus Thwj Tim. Tom qab Yes Xus txais lub Cim Ntxuav, hauv lo lus no Zam qhia peb txog yam uas tshwm sim hauv cov lus sib cav txog Yes XusZ txais lub Cim Ntxuav.
Zam Ntxuav Plig pom Yes Xus tuaj cuag nws. Lo lus no ua kom peb pom tias cov neeg ntseeg Tswv Ntuj, tsis yog tus Tswv Ntuj uas peb nrhiav. Tab sis yog tus Tswv Ntuj uas tuaj nrhiav peb. Tsis yog tus Tswv Ntuj uas ploj mus nrog cov huab, tab sis yog tus Tswv Ntuj uas nqes los ua neeg thiab peb mus cuag nws tau. Qhov no yog qhov yuav luag txaj muag thiab ntxhov kawg, vim nws hloov qhov peb muaj rau Tswv Ntuj. Peb hais tias : “Tswv Ntuj nyob qhov twg hauv lub ntiaj teb no ?”
Tab sis qhov tseeb tiag Tswv Ntuj yos tus yuav nug tias : Thaum Zam paub Yes Xus lawm, nws thiaj rais ua pov thawj. Vaj Qhia Paj Lug 6 tau sau tseg tias : “Ntiaj teb tsis xav tau xib hwb, tab sis xav tau pov thawj, thiab Zam kuj yog pov thawj.” Qhov ntawd yog nws qhia txog nws tej kev paub. Yog qhov ntxim siab uas xav pom. Tshwj xeeb tshaj yog nyob hauv Social Media tias ; lub ntiaj teb no tab tom sib tawg zuj zus.
Zam tus tshaj lub Moo Zoo nyob ntawd, thiab nws kuj raws tus me nyuam yaj uas tig los thiab nug tias : “Koj xav tau dab tsi ?” Nws cov lus zeem tseeb nrov mus thoob tas cov liv xwm 2000 xyoo, thiab hnub no kuj tuaj txog peb. Thiab tseem qhia peb tias Tswv Ntuj nyiam lub ntiaj teb kawg, nws thiaj xa nws Leej Tub Twm Zeej tuaj.
Yes Xus yog Leej Pleev. Nov yog yam uas Zam Ntxuav Plig tshawb pom thiab nthuav tawm rau peb pom txhua hnub nyob hauv nws cov lus zeem tseeb.
Kwv tij Hmoob sawv daws ! Hnub no peb piav txog ntawv Hauv Paus zaj 1, qib 29 txog qib 34 los xaus li no xwb.
Thov peb tus Huab Tais Yes Xus Pleev lub txiaj ntsim nrog nej nyob, ua nej siab kaj lug. Lwm zaus peb mam sib ntsib dua, nej sawv daws nyob zoo !
