Zaj nyeem hnub tim 8 lub 4 hlis 2026 (Hnub Plaub, Thawj lub Lis Piam hauv lub caij Hla)

Zaj nyeem hnub tim 8 lub 4 hlis 2026

Hnub Plaub, Thawj lub Lis Piam hauv lub caij Hla

Cov lus nyob hauv Lus Kas Ntawv Moo Zoo (LK 24: 13-35)

Kwv tij sawv daws, nyob rau hauv zaj no pom tseeb hais tias, Huab Tais xav kom peb lees ntseeg txog nws. lo lus lees ntseeg tseem ceeb dua yus ntseeg hauv nruab siab. Nyob rau ntawm ob tug thwj tim ntawd, Yes Xus tau nug nkawd tias, neb tab tom sib tham txog dab tsi ? Qhov tseeb tiag, Huab Tais yeej paub lawm tias nkawd tham txog dab tsi. Tab sis, Huab Tais Yes Xus xav hnov lo lus teb, uas lees ntseeg los ntawm nkawd lub ncauj los. Peb sawv daws, uas yog Yes Xus tsoom thwj tim. Tsim nyog peb yuav tsum ntseeg txog lo lus tseeb no, thiab peb yuav tshaj txog qhov tseeb no, uas yog Huab Tais Yes Xus kev sawv rov los, peb yuav tsum muaj txoj kev ntseeg ruaj thiab tso siab rau Huab Tais Yes Xus tiag tiag. Peb yuav tsis ua xyem xyav ntxiv. Nyob zoo sawv daws.