Zaj nyeem hnub tim 7 lub 1 hlis 2025 (Daily reflection)
Leej Ntshiab Zam hais tias “Tswv Ntuj yog kev hlub,” tsis yog “kev hlub yog Tswv Ntuj.” Lub ntsiab lus ntawm kev hlub hauv lub niaj teb tsis zoo li kev hlub ntawm Tswv Ntuj uas Zam hais txog. Tib neeg kev hlub tsis tob, muaj kev xav tsis thoob thiab qia dub. Ntau zaus, peb xav tias Tswv Ntuj yog kev hlub zoo xws li kev hlub yog Tswv Ntuj, tej zaus ua kom peb tsis to taub tseeb, tsis meej pem txog lub ntsiab lus tiag tiag. Niaj teb neeg xav tias thaum yus xav tau kev hlub, yus tsis xav txog luag tej, yus tsis pom luag tej tseem ceeb, yus tsis xav txog kev ncaj ncees. Qhov no tsis yog txoj kev hlub ntawm Tswv Ntuj. Kev hlub ntawm Tswv Ntuj yog ntshiab huv, ncaj ncees, thiab zoo tag nrho. Yog peb paub Tswv Ntuj tiag tiag, ua raws li Nws qhia tiag tiag, peb yuav hlub lwm tus zoo ib yam li Tswv Ntuj hlub peb.
