6 tus Tswv Qhia ntawd, xws li Cheng Hede, Sun Dezhen, Hu Ruoshan, Zhao Huaiyi, Zhu Kaimin thiab Chen Guodi, uas lawv tau txais lub Cim Tiag Tes ua Tswv Qhia nyob hauv lub tuam tsev teev Ntuj hwm Leej Ntshiab Pob Zeb nyob Los Mas. Cov kab ke no xam tias yog kev tsa thawj pab Tswv Qhia Suav hauv 250 xyoo, txij thaum tsa Tswv Qhia Luo Wenzao hauv xyoo 1685 los. Cov kab ke tseem ceeb no ua kom pom txog qhov tias; Vas Tis Kas pom txog qhov tseem ceeb ntawm cov Txiv Plig hauv zej zog tej kev coj cov neeg ntseeg Kav Tos Liv muaj coob zuj zus.
Vaj Qhia Npes Nes Dis 15 cov lus nyob hauv tsab ntawv Maximum Illud xyoo 1919, thov kom muaj kev tshaj lub Moo Zoo uas tsis txuam nrog lub teb chaws cov txiaj ntsim qab hau. Hauv Vaj Qhia Pis Os 11 tsab ntawv Rerum Ecclesiae xyoo 1926, kuj hais txog kev tsim kom muaj cov Txiv Plig nyob hauv zej zog. Cov kab ke tsa Tswv Qhia kuj yog kuaj ruam tseem ceeb hauv kev xyaw tej kab lis kev cai, ua rau lub Koom Txoos Kav Tos Liv tau nkag txog xeem lus, tej kab lis kev cai thiab cov zej zog Suav. Txawm li cas kuj xij, tom qab no lub Koom Txoos ntsib kev txhawj xeeb loj kawg. Lub Koom Haum Kav Tos Liv uas zwm rau tseem hwv Suav txhim tsa nyob hauv xyoo 1957, thiab tau teeb tsa cov Tswv Qhia tsis yog los ntawm Vaj Qhia thiab muaj kev hiam kev ntseeg loj kawg hauv lub caij daws kho tej kab lis kev cai.
Xyoo 2018, Vas Tis Kas thiab tseem hwv Suav tau cog lus ib ntus hais txog kev tsa Tswv Qhia. Vim xav rov sib cog kev phooj ywg ntawm cov Kav Tos Liv Suav thiab Los Mas. Cov lus cog no yuav siv tau 4 xyoo mus txog lub 10 hli xyoo 2024, thiab tau txais lus kheev kom tsa Tswv Qhia los ntawm Vas Tis Kas thiab tseem hwv Suav. Cov neeg txhawb nqa pom tias nov yog txoj kev muaj vaj huam sib luag ntawm lub Koom Txoos ntau dua qub. Tab sis kuj muaj cov xyav moo txog tseem hwv tej kev cuam tshuam hauv kev ntseeg ua ntu zus, thiab muaj kev txwv cov neeg ntseeg Kav Tos Liv tsis raws kev cai. 100 xyoo tom qab ntawm kev tsa Tswv Qhia thawj zaug, mas tej lus nug txog kev ua tus coj ntawm cov neeg hauv zej zog, tus yam ntxwv hauv tej kab lis kev cai thiab kev thaj yeeb hauv kev ntseeg tseem yog qhov tseem ceeb ntawm lub Koom Txoos yav tom ntej nyob Suav teb.
