Zaj nyeem hnub tim 28 lub 4 hlis 2026
Hnub nco txog Leej Ntshiab Lus Is Daws Moos Fos
Cov lus nyob hauv Zam Ntawv Moo Zoo (Z 10: 22-30)
Kwv tij sawv daws, lo tias Mev Xias, muaj lub ntsiab tob nyob rau hauv cov His Xas Lais, ua rau coob leej to taub mus lawm nyias yam, tsis sib xws. Cov His Xas Lais ntseeg tias, tus Mev Xias uas Tswv Ntuj tso los ntawd yuav tsum muaj hwj huaj, vim li ntawd, thaum lawv pom Huab Tais Yes Xus ua hwj huam yees ntxwv mas lawv lees ntseeg tias, Huab Tais Yes Xus yog Leej Pleev, los tus Mev Xias, uas Tswv Ntuj xav tuaj tiag, tab sis, muaj ib txhia tsis kam lees ntseeg txog nws. lawv xav kom Huab Tais Yes Xus qhia tseeb tseeb ntawm nws lub ncauj los, tias nws yog los tsis yog. Nqe lus no, tab yog zoo li lawv xav paub qhov tseeb lawv thiaj nug, tiam sis, kuj yog ib lo lus ua rau Yes Xus poob tsag thiab, vim nws zoo li ib rab ntaj ob tog ntse, ib tog kuj yog xav lees ntseeg, ib tog kuj yog xav nrhiav kev hiam Yes Xus thiab. Huab Tais Yes Xus thiaj tsis teb ncaj ncaj, nws thiaj hais tias : Kuv twb yeej hais rau nej lawm, tiam sis nej tis ntseeg, vim lawv yeej tsis qhib siab txais Huab Tais thaum xub thawj lawm, lawv tsis yog cov yaj uas mloog tus Tswv lub suab, lawv tsuas yog zoo li cov hma uas nyas ntshis tom cov me nyuam yaj xwb. Yog tias, tus twg yog Huab Tais cov me nyuam yaj, mas tus ntawd yuav txawj mloog Huab Tais lub suab, nws yuav paub nws tus tswv thiab tus tswv yuav paub nws.
Nyob zoo.
