Tus Tswv Qhia nyob Mas Les Xias hais tias : kev sib tham tseem ceeb rau lub Koom Txoos lub rooj ncauj lus nyob As Xias

Tswv Qhia Simon Poh nyob Mas Les Xias teb hais tias : ntawv Moo Zoo tsim nyog muaj tus cag thiab nyob hauv zej zog tej kab lis kev cai, kom tau rhuav tshem lo lus liam tias yog cov neeg sab hnub poob. Tswv Qhia Poh hais nyob hauv Kav Tos Liv lub rooj sab laj hnub tim 28 lub 11 hlis tag los no. Ntau yam kev cai dab qhuas thiab ntau txoj kev teev hawm nyob As Xias teb xav kom muaj kev sib tham nthuav dav, thaum lub Koom Txoos nyob hauv xeev ntuj no tab tom ua raws lub rooj ncauj lus, kom tau txhawb nqa cov tub tshaj Ntuj Lus tus cuj pwm. 

Tswv Qhia Poh hais tias : “Kev nrog ib yam kev cai dab qhuas sib tham xwb tsis txaus, peb xav kom muaj kev sib tham txog txhua pab neeg hauv zej zog, txog yam tsim tawm, txog cov neeg pluag thiab cov tub ntxhais hluas.” Muaj cov sawv cev 800 leej tuaj ntawm 32 lub teb chaws tuaj koom lub rooj sau siab 4 hnub ua ke.

Lub rooj sau siab yog lub Koom Haum tshaj lub Moo Zoo ntawm lub rooj ncauj lus As Xias FABC-OE ua tus npaj. Tswv Qhia Poh hais tias : “Kev tawm rooj ntawm lub Koom Txoos lub rooj ncauj lus, yuav vam txog kev muaj feem cuam ntawm cov neeg pluag txom nyem thiab cov raug saib tsis taus, cov neeg ua hauj lwm, cov kws tshawb fawb, cov tsiv teb tsaws chaw, cov neeg thoj nam, cov tsis muaj ntaub ntawv, cov neeg toj siab, cov raug muag, cov tuag tes tuag taw thiab cov tab tom cim yeeb cim tshuaj los yog cov neeg siab ntsws muaj teeb meem.”