Tub hluas coob zuj zus tuaj, ua kev txhawj xeeb nyob Khas Phus Chas teb.
Cov neeg Khas Phus Chas uas hnub nyoog 15 xyoos txog 25 xyoos, ib nrab ntau tsis tau kawm ntawv thiab tsis muaj hauj lwm ua. Txhua hmo thaum 2 teev ib tag hmo dua, yuav muaj suab tsheb Motorcycle nrov toog ntsej. Suab log tsheb, suab luag suab nthe, suab iav tsheb thiab suab hwj npias tawg hauv tej kev tsheb nrov nroo ntws. Nov yog ib hmos uas txaus ntshai ntawm cov neeg Khas Phus Chas feem coob nyob hauv cov nroog loj thoob lub teb chaws. Cov tub hluas rais ua teeb meem loj hauv lub teb chaws no. Yog lub qhov txhab hauv nruab siab, yog tsov rog thiab yog kev tsis sib haum xeeb hauv ntau tiam neeg uas tsis muaj ib yim neeg twg zam dhau.
Coob leej yuav tsum ua tiag uv kev chim siab tom qab teeb meem tshwm sim, uas muaj nyob hauv lub teb chaws tsis thaj yeeb los ntev dua 50 tawm xyoo. Khas Phus Chas teb muaj cov tub ntxhais hluas coob kawg. Ib nrab ntawm tsoom pej xeem kwv yees 17 plhom 500 txhiab leej yog cov hnub nyoog qis dua 26 xyoo. Muaj cov tub ntxhais hluas li 300 txhiab leej yog cov niaj xyoo nrhiav hauj lwm ua, tab sis feem coob nrhiav tsis tau hauj lwm thiab ua tej yam hauj lwm me me hauv tsev neeg uas tsis tau nyiaj. Hais raws qhov tseeb tias kev tsis muaj hauj lwm ua ntawm cov tub ntxhais hluas yog qhov qis kawg. Tab sis raws li qhov tseeb ntawm lub Koom Haum NGO thiab cov kws tshawb fawb zej zog hais, mas lub teb chaws tab tom poob nyob hauv cov tub hluas liam sim tsis muaj hauj lwm ua thiab tua neeg tes. Tab txawm tias kev lag luam yuav loj hlob sai 15 feem pua nyob hauv ib xyoos uas ua rau lwm lub teb chaws ntshaw, tsis kav tseem muaj hauj lwm tsis txaus rau neeg ua. Tshwj xeeb tshaj yog cov tub ntxhais hluas uas tsis tau kawm ntawv. Lawv yog pab neeg tsis muaj hauj lwm ua coob tshaj nyob hauv lub teb chaws. Kev sib yaum ua npoj thiab kev tua neeg thiaj nkag los txhab ntxiv rau tej kev lag luam thiab haiv neeg. Nws yog qhov ua rau cov tub hluas txaus siab thiab pom tias yog ib feem ntawm qhov uas cov hluas xav tau, vim lawv tseem hluas thiab muaj zog.
Saroeun Sorn uas nws yog tus thawj tswj saib cov tub ntxhais hluas hauv lub Koom Txoos Kav Tos Liv nyob Khas Phus Chas teb hais tias : “Lawv xav paub tias tus kheej yog ib feem tsis hais nyob qhov twg kuj xij. Ntawm coob coob leej, mas pab neeg no yog pab neeg ua kom lawv paub txog tej yam phem ntawd.”
Cov neeg Khas Phus Chas uas hnub nyoog 15 xyoos txog 25 xyoos, coob tshaj ib nrab yog cov tsis muaj hauj lwm ua thiab tsis tau kawm ntawv los xyaum dua hauj lwm raws li cov niam cov txiv paub. Qhov ntawd yog qhov zais ntshis.
Tshaj qhov ntawd lawm, yog qhov uas cov niam cov txiv ua hauj lwm ntau dhau thiab tsis muaj kev vam meej. Yog qhov tseeb ntawm cov yim neeg Khas Phus Chas los ntev. Cov niam cov txiv uas feem coob lawv nyob hauv nroog, tam sim no tsis paub tias lawv cov me nyuam tab tom ua dab tsi. Sorn tus uas pab cov tub hluas raug kaw nkuaj thiab cov tub hluas uas kheev kheev tsim teeb meem hais tias : “Peb pom li no txhua lub sij hawm. Lawv xav tias lawv cov me nyuam mus kawm ntawv, los yog nrog phooj ywg mus ua si. Tab sis qhov tseeb tiag, lawv tsis paub dab tsi li.” Ntawm lawv cov me nyuam, mas me nyuam ua ywj me nyuam siab. Peb yog lub Koom Txoos, peb yog cov neeg ntseeg, peb yog Kav Tos Liv, peb tsim nyog yuav pab lawv, yog tias peb ua tau.
Twb tau 10 xyoo lawm uas Khas Phus Chas teb muaj txoj cai haum nrog ntiaj teb txoj cai. Cov tub ntxhais hluas raug txim me me uas tsim nyog kaw nkuaj, mas tsis muab txim thiab txhawb nqa lawv. Tab sis txoj cai no piam sij hauv kev ua raws. Cov tub ceev xwm muaj tsis txaus thiab tsis tau txais kev qhuab qhia zoo, ua kom kev muab txim rau cov tub ntxhais hluas muaj ntau tshaj qhov zam txim thiab kev txhawb nqa. Kuv tsis paub, muaj ib tug tub ceev xwm nyob Phnom Penh hais tias : “Peb tau txais lus tso cai kom ntes cov tub hluas hauv tej kev tsheb thiab cheem lawv. Tas txhua yam ntawd yog qhov peb ua. Kuv tsis paub lawv niam lawv txiv, xyov lawv niam lawv txiv nyob qhov twg ?” 5 xyoo tag los, lub teb chaws nyuam qhuav xa cov tub pab zej zog mus thoob 25 lub xeev hauv lub teb chaws. Tsuas tshuav cov tub pab zej zog 2 thom uas saib xyuas cov thaj tsam dav li 180,000 kis los mev xwm fab xwm meem, thiab cov neeg puas siab puas ntsws yuav luag 18 plhom leej. Lawv nyob hauv cov thaj tsam pluag txom nyem thiab kev tsheb mus tsis txog nrog rau cov pov txwv uas mus txog nyuab. Teeb meem nrog rau kev tua neeg thiab cov nkuaj kaw neeg ti ti phem kawg. Cov tseem hwv thiaj muab cov neeg raug txim uas tseem hluas xa mus nyob ntawm ciam teb tiv nrog Thaib teb. Qhov uas tsis sib haum xeeb, yog cov tub rog xav tau kev txhawb nqa fab tub rog. Tab txawm tias kev sib tua yuav laug sij hawm los tau ib tog xyoo kuj xij. Tsis kav cov lus tawm los ntawm tus thawj pwm tsav hais txawv qhov ntawd. Tus thawj pwm tsav Hun Manet hais tias :
“Lub hom phiaj tseeb tiag ntawm qhov uas muab xa cov neeg raug txim hnub nyoog 18 xyoo xa mus nyob pem hauv ntej, yog kev txhawb nqa thiab kev xyaum, tsis yog qhov xav tau ntawm cov tub rog.”
Lawv hais txog qhov xa cov neeg ntawd mus nyob pem hauv ntej tias : “Peb xav txhawb nqa cov neeg raug txim uas tseem hluas. Yog qhia kom lawv paub txog qhov phem qhov zoo, zoo dua cia lawv nyob twj ywm hauv nkuaj. Peb xav kom lawv tau pom kev lees paub tseeb tiag tias zoo li cas. Kev ua hauj lwm rau lub teb chaws, peb xav kom lawv tau pom txog peb cov tub rog, pom txog cov tub rog uas raug tua tuag.”
Vim tsis muaj peev txheej txaus, nyiaj txiag thiab cov neeg txawj ntse. Tseem hwv thiaj vam txog cov zej zog ; xws li Kav Tos Liv lub tsev teev Ntuj Maryknoll thiab Caritas los pab ntxiv zog. Tus tiam lis As Xias nyob Phnom Penh hais rau UCA News tias :
“Kuv tsis coj kev ntseeg dab tsi li, tab sis kuv pom tias Kav Tos Liv lub tsev teev Ntuj ua tau ntau yam los ntawm cov peev txheej me me. Lawv tseem tiv nrog tseem hwv tej teeb meem thiab.” Nws kuj hais txog cov Txiv Plig thiab cov neeg ntseeg uas lawv pab cov neeg thoj nam txhaum kev cai raug ntxias dag nyob hauv Online.
Txiv Plig thiab qee tus kav xwm hauv tsev teev Ntuj ua li ntawd. Lawv tsis quav ntsej thiab ceev faj txog txoj cai hauv tsev teev Ntuj. Txiv Plig Will Conquer hais rau UCA News tias : “Kuv yuav tsis nyob twj ywm, thaum kuv pom kev txom nyem. Qhov ntawd tsis yog qhov laij thawj uas kuv los ua Txiv Plig.”
Nws pab cov neeg raug ntxias dag nyob txawv teb chaws yam tsis mloog tseem hwv thiab lub Koom Txoos Kav Tos Liv cov lus. Nws ua hauj lwm nrog cov neeg siv zog xws li Sorn thiab nws cov neeg. Lawv nkag mus pab yam uas tseem hwv ua tsis tau.
Sorn hais tias : “Cov thawj coj thiab cov kav xwm ua hauj lwm hnyav kawg. Tab sis lawv tseem xav tau kev pab ntxiv, nws yog kev saib xyuas ntawm lawv hauv kev ua neeg ntseeg Kav Tos Liv. Yes Xus qhia peb tias : ‘kom nyiam sawv daws sib npaug zos.’
Li ntawd, peb thiaj pab lawv. Kuv tsis quav ntsej txog tias lawv yog neeg ntseeg los tsis yog, vim nov yog lub suab hu nyob hauv kuv.”
Kwv tij Hmoob sawv daws ! Hnub no peb tham txog cov tub hluas coob zuj zus tuaj, ua kev kub ntxhov nyob Khas Phus Chas teb los xaus li no xwb.
Thov Huab Tais Yes Xus Pleev lub txiaj ntsim nrog nej nyob, ua nej siab kaj lug !
Lwm zaus peb mam sib nstib dua, nyob zoo nej sawv daws !
