Hmoob lub Tsiab Peb Caug nyob Madison, tau coj cov Hmoob tuaj sib sau ua ke hauv tej kab lis kev cai thiab kev seev cev.
Lub Tsiab Peb Caug xyoo no, coj tsev neeg, phooj ywg thiab cov qhua tuaj koom coob kawg, kom ua kev zoo siab rau Hmoob tej kab lis kev cai thiab tsim kev sib raug zoo nrog txhua txheej neeg. Hais txog cov Hmoob coob leej, mas lub Tsiab Peb Caug no yog qhov txuag Hmoob tej kab lis kev cai thiab qhia txog Hmoob lub keeb kwm kom cov hluas txheej tshiab tau paub. Rylee Her tus koom cov hluas kev sib tw seev cev, hais txog kev zoo siab uas tau pom cov Hmoob tuaj sib koom ua ib tug nyob hauv tej kab lis kev cai Hmoob. Nws hais tias : “Kuv zoo siab kawg uas tau muab peb tej kab lis kev cai los koom ua ke.” Nws koom nrog nws pab phooj ywg sib tw seev cev. Nws piav tias kev seev cev qub qub ntawd, muaj lub ntsiab hauv tej kab lis kev cai ntau dua tej kev lom zem. Nws muaj lub ntsiab tseem ceeb zais nyob hauv tej kev dhia mus los, thiab txhua qhov kev tig cev uas peb ua. Nws hais ntxiv tias : “Lub Tsiab Peb Caug no ua kom cov hluas txheej tshiab tau kawm tau paub los ntawm cov laus, thiab nkag siab txog lawv tej kab lis kev cai zoo tuaj.” Nyob hauv kev seev cev, tej tsoo tsho Hmoob qub qub thiab kev sib sau ntawm cov Hmoob. Lub Tsiab Peb Caug no tseem yog lub Cim ntawm haiv neeg Hmoob thiab ua kom cov hluas txheej tshiab tau paub txog tej kab lis kev cai ntxiv mus.
