Nyab Laj muab ib tug qub kws lij choj ntes kaw, vim nws sau ntawv tso tawm hauv Facebook.
Nyab Laj muab ib tug qub kws lij choj ntes kaw, vim nws sau ntawv tso tawm hauv Facebook.
Hnub tim 10 lub 1 hlis no, lub tsev txiav txim nyob Nyab Laj teb txiav txim muab ib tug kws lij choj uas yav tag los nws yog ib tug kws lij choj nto npe kaw nkuaj 3 xyoos, vim nws sau ntawv tso tawm hauv Facebook. Pab neeg ntawm tib neeg kev ncaj ncees thuam thiab xyav moo tias : qhov no yog kev rhuav tshem kev thaj yeeb hauv kev ua tawm tshiab ntawm lub teb chaws koom tshaj.
Tran Dinh Trien uas yav tag los nws yog tus lwm thawj tswj ntawm lub Koom Haum ntawv pov thawj nyob Hanoi. Nws yog tus kws lij choj tseem ceeb thiab tus kawg uas raug teeb meem los ntawm kev sau ntawv tawm hauv Internet. Cov neeg taij thov tib neeg kev ncaj ncees hais tias : ntau xyoo dhau los no, cov tseem hwv Nyab Laj uas muaj tib pab nom tau ua nruj kawg rau tsoom pej xeem thiab siv txoj cai los ua riam phom kaw cov neeg xyav moo qhov ncauj. Lub tuam tsev txiav txim nyob Hanoi, tau txiav txim muab Trien uas nws muaj 65 xyoos kaw nkuaj. Nws lub txim txhaum yog hla kev thaj yeeb hauv txoj cai muaj vaj huam sib luag, thiab hla tseem hwv txoj cai. Ces nws raug kaw nkuaj 3 xyoos.
