Cov tub ntxhais hluas Nyab Laj sib sau ua ke nyob Thai Binh, kom tau koom cov tub ntxhais hluas hnub zaum tim 21
Hnub tim 8 lub 11 hlis no, cov tub ntxhais hluas Kav Tos Liv coob tshaj 9,000 leej tuaj sib sau nyob hauv lub Cheeb Koom Txoos Thai Binh, kom tau koom ua cov kab ke tsoom tub ntxhais hluas hnub zaum tim 21, nyob Hanoi hauv Nyab Laj teb.
Tus tswv cuab hais tias ; cov kab ke no muaj kev teev Ntuj, muaj kab lis kev cai thiab thov kom sib koom tes tiag tiag nyob hauv xyoo ntshiab hauv kev cia siab 2025. Muaj cov neeg tuaj ntawm txhua txhia lub Cheeb Koom Txoos nyob thoob lub xeev tuaj. Lawv sib koom ua ke nyob hauv Txiv Plig lub tsev, kom tau ua ke nquam tus Ntoo Cuam Ntshiab nyob hauv tsoom tub ntxhais hluas hnub. Yog nquam ntawm lub tsev teev Ntuj Thai Binh mus txog lub tshav puam ntawm ua cov kab ke. Cov kab ke no yog qhib hnub tseem ceeb uas tau txais kev qhuas tias ; yog kev tsuj xeeb kev ntseeg zaum tshiab ntawm cov tub ntxhais hluas ntau txhiab leej.
Txiv Plig Dang Van Cau nyob Thai Binh, yog tus tswv cuab ntawm lub rooj sab laj xyoo no. Nws hais lus tos txais cov sawv cev nyob hauv cov kab ke qhib kev tsuj xeeb. Lub Cheeb Koom Txoos tshaj tias : muaj 14 tug Tswv Qhia, 570 tus Txiv Plig, cov Leej Phauj thiab Leej Tij ntau pua leej tuaj sib koom ua ke. Yog hais txog qhov uas lub Koom Txoos muaj cov tub ntxhais hluas Kav Tos Liv nyob rawv ntawm ib sab.
