Cov tub ntxhais hluas Kav Tos Liv tig los siv cov suab paj nruab ntshiab, kom tau txhawb nqa kev ntseeg uas muaj kev fiv ntuj nyob Kuching
Cov tub ntxhais hluas Kav Tos Liv hu suab sib xyaws nyob Xees Cas Pos teb, tau muab cov suab paj nruab ntshiab los ua qhov tseem ceeb ntawm kev tawm rooj fiv ntuj nyob Kuching, hauv Mas Les Xias teb. Ua kom pom txog kev txhawb nqa kev hu nkauj raws cov kab ke qub qub ntawm cov tub ntxhais hluas nyob hauv xeev ntuj no.
Pab tub hu nkauj sib xyaws nyob hauv lub tuam tsev teev Ntuj hwm Leej Ntshiab Nqes Nkos Lis, thiab pab tub hu nkauj hauv lub thaj txi Ntuj Hnub Chiv ntawm lub tsev teev Ntuj tus Zoo Tswv Zov Yaj nyob Xees Cas Pos teb. Lawv tau siv sij hawm 4 hnub nyob Sarawak, lawv sib koom thov Ntuj, kawm kev cai dab qhuas thiab xyaum ntaus suab paj nruag kom sib haum ua ke. Thaum sawv ntxov, lawv pib tawm rooj hauv kev nce lub roob singai, nyob hauv lub nroog Bau. Lawv tau xyaum raws tus piv txwv ntawm Ntoo Cuam, ua ntej yuav teev Ntuj hauv lub thaj txi Ntuj thiab koom nrog Txiv Plig Delphin Ndungu nyob Sarawak ua lub thaj txi Ntuj ua ke.
Dua li ntawm kev tawm rooj, mas muaj kev pe hawm thiab kev qhuab qhia nrog kev mus tsham zej zog thiab tej kab lis kev cai nyob Sarawak. Lawv kuj mus saib lub tsev liv xim hauv lub Cheeb Koom Txoos thiab hauv lub tuam tsev teev Ntuj hwm Leej Ntshiab Yos Xes.
Stephen Chin tus thawj coj pab tub hu nkuaj hais tias : nws vam tias kev kawm zaum no yuav pab txhawb nqa cov hluas Kav Tos Liv kom muaj feem cuam hauv fab suab paj nruag ntau tuaj.
