Cov Tswv Qhia Is Ntos Nes Xias zeem tseeb txog txoj cai sib yuav nyob hauv tsev teev Ntuj xwb. Vim muaj kev txhawj xeeb nyob hauv kev ncig tsham teb chaws.
Cov Tswv Qhia Is Ntos Nes Xias zeem tseeb txog txoj cai sib yuav nyob hauv tsev teev Ntuj xwb. Vim muaj kev txhawj xeeb nyob hauv kev ncig tsham teb chaws.
Tswv Qhia Sylvester San ntawm Denpasar rov hais txog qhov nws tsis pom zoo sib yuav nyob tsev teev Ntuj sab nraud. Nws lub hom phiaj yog xav txuag cov kab ke sib yuav. Tab txawm yog fab kev ncig tsham teb chaws nyob Npas Lis, lawv tawm tsam heev kawg kuj xij. Cov neeg ncig tsham teb chaws lawv tuaj sib yuav coob leej nyob Npas Lis, vim Npas Lis muaj tej chaw zoo nkauj ntau kawg. Nws kuj ntxhov siab txog teeb meem kev lag luam los ntawm lub Koom Txoos txoj cai.
Tswv Qhia hais cov lus no nyob hauv lub rooj sab laj 4 hnub ua ke xws li ; hnub tim 25 txog hnub tim 28 lub 6 hli tag los. Yog los ntawm cov kav xwm Kav Tos Liv nyob hauv lub pwm tsav kev teev hawm Is Ntos Nes Xias (Bimas Katolik Kemenag RI).
Hauv lub rooj sab laj muaj tshaj 50 tus sawv cev ntawm 8 lub Cheeb Koom Txoos nyob thoob Npas Lis thiab lub xeev Nusa Tenggara. Kev sib tham hauv lub rooj sab laj yog raws li Tswv Qhia San cov lus xyoo 2015. Uas tsis pom zoo hais txog kev sib yuav tsis ua nyob hauv tsev teev Ntuj. Lub rooj sab laj kuj hais txog ntau yam tseem ceeb uas raug cov neeg ntseeg Kav Tos Liv, hais txog kev thim tshoob thiab kev sib nrauj.
