Cov Koom Haum Caritas nyob As Xias toob fab naj sib sau ua ke, kom tau ua cov hauj lwm hais txog huab cua pauv ntxeev.
Cov Koom Haum Caritas nyob As Xias toob fab naj sib sau ua ke, kom tau ua cov hauj lwm hais txog huab cua pauv ntxeev.
Cov sawv cev ntawm lub Koom Haum Caritas nyob thoob As Xias toob fab naj tau sib sau nrhiav txoj kev sib koom siab, los ua cov hauj lwm hais txog huab cua pauv ntxeev nyob Phnom Penh, Khas Phus Chas teb. Txij hnub tim 8 txog 11 lub 7 hli 2024 no.
Hauv lub rooj sab laj muaj lub ntsiab li no :
“Kev ua hauj lwm hais txog huab cua pauv ntxeev nyob As Xias toob fab naj.” Uas yog Caritas Australia nrog rau Indonesia, Timor-Leste, Combodia, Filippines thiab lwm cov teb chaws sib koom ua ke. Yog raws li Radio Veritas Asia tshaj tawm.
Lub rooj sab laj muaj 4 hnub ua ke, los sib tuav xam txog lub hom phiaj kev xav tswv yim txhawb nqa cov neeg pab cuam thiab txhawb nqa kev sib koom tes ntawm cov tseem hwv. Kom tau ua cov hauj lwm los pab cov neeg pluag txom nyem, uas lawv tau txais kev kub ntxhov los ntawm huab cua pauv ntxeev. Cov neeg tuaj sib sau sab laj yog ua kev nkag siab txog yav tom ntej thiab nyias txoj hauj lwm. Txhim kho tej yam tseem ceeb kom tau txhawb nqa kev huab cua pauv ntxeev nyob hauv xeev ntuj thiab cov teb chaws. Kev sib tham hais txog rov ua tib zoo xav txog kev txhim kho tib neeg lub meej mom thiab saib xyuas txhua yam nyob ib puag ncig, kom raws lub hom phiaj ntawm Vaj Qhia cov lus hais nyob hauv Laudato Si.
