Vaj Qhia tsis lees paub qhov kev ua tsis raug cai thiab kev quab yuam kom tsiv teb tsaws chaw
Vaj Qhia Leo thov kom tso cov neeg His Xas Lais uas raug ntes, tso tseg kev sib ntaus sib tua thiab pab tib neeg kev ncaj ncees nyob GAZA. Vaj Qhia pom zoo txog cov lus uas tus Tswv Qhia nyob Latin Yes Lus Xas Les thiab Greek Orthodox cov lus hais. Hauv Vaj Qhia cov lus nws tau hais txog Yes Xus tus yam ntxwv hauv kev pib raug kev txom nyem. Nws hais tias : “Tab txawm nyob hauv lub caij tsaus ntuj nti, tsis kav peb tseem muaj kev ywj pheej uas yuav nyiam thiab hlub mus txog qhov kawg.”
Hauv nws cov lus Vaj Qhia hais tias : “Kuv thov kom tso cov neeg raug ntes txhua tus, tso tseg kev sib ntaus sib tua thiab qhib kev rau tib neeg kev ncaj ncees. Thov hwm txoj cai tib neeg kev ncaj ncees kom txaus, tshwj xeeb tshaj yog kev txuag tsoom pej xeem. Txwv tsis pub rau txim rau tej pab neeg hauv kev siv lub zog quab yuam thiab ntiab kom tsoom pej xeem tsiv teb tsaws chaw.”
“Kuv thov koom tes nrog lub Koom Txoos Greek Orthodox thiab lub Koom Txoos Latin nyob Yes Lus Xas Les. Thov kom tso tseg tej kev ua phem no, tso tseg tsov rog thiab pom txog cov txiaj ntsim tseem ceeb ntawm tsoom pej xeem txhua tus.
