Vaj Qhia nrog cov neeg pluag noj sus : peb yog yam Tswv Ntuj tsim uas zoo nkauj tshaj plaws

Ua ntej yuav nrog cov neeg pluag noj sus, yog tau txhais kev txhawb nqa los ntawm Caritas Albano nyob hauv Vaj Qhia lub vaj loog. Vaj Qhia hais tias : “Peb txhua tus raug tsim los raws li Tswv Ntuj tus duab thiab peb tuaj yeem pom Tswv Ntuj tau nyob hauv txhua leej.” Vaj Qhia hais tias : “Txhua txhia tus neeg puav leej yog ua tawm txog Tswv Ntuj tus duab. Qhov tseem ceeb tshaj yog peb yuav tsum nco ntsoov qhov tseeb no tseg. Ntawd yog peb tuaj yeem pom Tswv Ntuj nyob hauv txhua txhia tus neeg. 

Li ntawd, tab txawm yog kev sib koom noj sus ua ke hnub no, kuj yog kev sib koom ua ib tug hauv kev ua kwv ua tij ntawm Tswv Ntuj kev nyob ua ke.”

Thaum nws pom 100 tawm tus qhua uas lawv yog cov neeg pluag thiab tsis muaj lub zoo caij, lawv tau txais kev txhawb nqa los ntawm lub Koom Txoos Caritas nyob Albano. Yog tas nrho cov neeg nyob hauv lub yeej thiab tej tsev so ua npoj, cov neeg tsis muaj vaj tse thiab cov tau txais kev txhawb nqa ntawm lub yeej uas mloog. 

Vaj Qhia hais txog lub ntsiab tob nyob tom qab. “Kev faib ncuav mov, yog tus cuj pwm uas tseem ceeb rau txhua tus. Yog kev ua kom peb nco ntsoov tias Yes Xus nyob nruab nrab hauv peb.” Nws hais ntxiv tias : “Nov yog lub thaj txi Ntuj, tab sis kuj yog hais txog peb txhua tus uas tuaj sib sau nyob ncig lub rooj mov. Peb sib faib yam Tswv Ntuj muab rau peb.”