Vaj Qhia hais txog Is Laas teb : kev thaj yeeb tsis yog tsim los ntawm kev sib hem los yog tej riam phom tua neeg

Vaj Qhia Leo 14 txhawj xeeb txog cov xwm txheej nyob As Xias nrab thiab nyob Is Laas teb. Vaj Qhia hais tias : “Kev thaj yeeb tsis yog tsim los ntawm kev sib hem los yog riam phom, uas ua kom muaj kev tua neeg, kev mob siab thiab kev tuag. Tab sis yog tsim los ntawm kev sib hais haum uas muaj chaw txawb chaw rau, tseeb tiag thiab muaj kev lees txais.” Vaj Qhia hais txog kev tua neeg zaum loj tias, yog kev phem txhob sib kis mus txog qhov tiv thaiv tsis tau. Vaj Qhia hais tias : “Kuv thov Ntuj rau cov muaj feem cuam txog kev ncaj ncees, kom nrog cheem kev phem ua ntej yuav rais ua lub qhov taub daws tsis tau.”

Vaj Qhia Leo thov Ntuj rau txhua lub teb chaws kom tig rov los sib hais haum thiab nrhiav kev thaj yeeb. “Thov kom rov muaj cov tiam lis dua ib zaug, thiab thov kom tsoom pej xeem txoj kev zoo tau txais kev txhawb nqa. Yog cov pej xeem uas xav nyob ua ke thaj yeeb hauv kev ncaj ncees. Vaj Qhia hais thiab thov kom peb thov Ntuj rau kev thaj yeeb ntxiv mus.”