Hnub tsuj xeeb Yes Xus yug los, Vaj Qhia thov kom peb nyob ntsiag to thiab nrog Tswv Ntuj sib haum xeeb thiab peb rov sib haum xeeb.
Hnub tsuj xeeb Yes Xus yug los, Vaj Qhia thov kom peb nyob ntsiag to thiab nrog Tswv Ntuj sib haum xeeb thiab peb rov sib haum xeeb.
Hauv Urbi et Orbi ntawm Vaj Qhia lub ntsiab muag, yog ntsia mus rau ib tsoom neeg uas raug mob los ntawm tsov rog nyob hauv txhua xeev ntuj. Thiab Yes Xus yog lub qhov rooj tseeb tiag uas yuav coj peb hla lub xyoo ntshiab uas nyuam qhuav pib no. Thov kom hnub tsuj xeeb Yes Xus yug los coj kev kaj siab tuaj rau cov neeg nyob Mias Mas teb, uas lawv raug ntiab tawm hauv lawv tej vaj tse mus. Thov ua tsaug rau ib tsoom tub tshaj Ntuj lus uas ri mus nyob tas qhov txhia chaw thoob ntiaj teb.
Lo lus thov kom txhua tus, txhua haiv neeg thiab txhua lub teb chaws ua siab loj siab tawv hla lub qhov rooj ntshiab no. Ua tus tsim koob hmoov ntawm kev cia siab, tso riam phom tseg thiab ua kom yeej kev sib txeeb sib tawg.
Nov yog lo lus thov ntawm Vaj Qhia Fas Ntshis Kus, tom qab nws qhib lub qhov rooj ntshiab hauv lub tsev teev Ntuj nyob Vas Tis Kas nag hmo. Yog qhib lub xyoo tshiab 2025 uas xa mus rau ib tsoom neeg nyob thoob ntiaj teb hauv lo lus Urbi et Orbi ntawm Loggia of Blessings, hauv lub tsev teev Ntuj hwm Leej Ntshiab Pob Zeb nrog rau Vaj Qhia cov lus foom hmoov zoo hnub tsuj xeeb Yes Xus yug los.
Hmo no Vaj Qhia hais tias : “Kev txawv txav uas tsis txawj nres, nws ua kom peb xav tsis thoob thiab xav tas mus li. Mab Liab xeeb Yes Xus uas yog Tswv Ntuj Leej Tub. Yog lawm, cov xwm txheej no tshwm sim 2000 xyoo tag los. Nws txuas hnub nyoog nyob hauv Leej Ntuj Plig Ntshiab cov hauj lwm. Hnub no kev txom nyem nyob hauv peb txheej neeg nyem no, lo lus ntawm txoj kev cawm seej nyob mus ib txhis tau rov nqis los dua ib zaug. Nws hais rau cov txiv neej thiab cov poj niam txhua tus. Hais rau tas ib tsoom neeg nyob ntiaj teb tias : “Kuv nyiam koj, kuv zam txhaum rau koj, rov qab los cuag kuv, lub qhov rooj hauv kuv lub siab tseem qhib.”
Kom peb tau txais kev zam txim txhaum. Tswv Ntuj yog tus zam txhaum tas mus li thiab nws zam tas txhua yam. Thov kom peb nrog Tswv Ntuj sib haum xeeb, nrog tus kheej sib haum xeeb thiab peb rov sib haum xeeb, tsis hais peb tus yeeb ncuab kuj xij. Yes Xus yog lub qhov rooj hauv kev thaj yeeb. Hnub tsuj xeeb Yes Xus yug los, yog hnub pib lub xyoo ntshiab 2025. Vaj Qhia thov kom sawv daws ua tsaug rau cov neeg ua zoo, kom kev zoo nyob hauv qhov ntsiag to thiab ncaj ncees.
