Qeej Hmoob thiab kab ke pam tuag
Kab ke pam tuag yog cov kab ke tseem ceeb thiab xim heev nyob hauv Hmoob tej kab lis kev cai hais txog fab ntsuj plig, ntawm cov neeg tuag uas yuav tau mus rau ntuj txiag teb tsaus. Yog tias tus neeg tuag twg tsis tau hla cov kab ke no, mas nws tus plig yuav tsis tau mus thawj thiab. Hmoob cov kab ke pam tuag, feem ntau yog zoo ib yam. Qhov uas tsis zoo ib yam, mas yog muaj ntau hom thiab ntau xeem Hmoob, ces nyias pam tuag thiab faus tuag raws nyias caj ces. Txawm li cas kuj xij, Hmoob lub hom phiaj ntawm cov neeg tuag puav leej yog vam tias cov neeg tuag yuav tau thawj thiab rov yug dua tshiab.
Qeej yog yam tseem ceeb tshaj nyob hauv cov ntees tuag, vim cov suab qeej txuas tau nrog cov neeg tuag tus ntsuj plig. Tsis muaj leej twg paub tias hais dab tsi, tab sis ntseeg tau tias lub suab qeej yeej txuas tau nrog cov tuag tus ntsuj plig. Nyob hauv Hmoob tej kab ke pam tuag, mas yog xa tus tuag mus cuag poj cuag yawm thiab hais txog tus tuag lub neej thaum nws tseem ua neej nyob. Cov suab qeej yuav piav txog tus tuag lub neej thiab xa tus tuag mus ntuj txias teb tsaus yam kaj siab lug.
Tsis tas li ntawd, cov neeg txawj qeej mas lawv yuav muab siab rau mloog tej suab qeej cov ntsiab lus thiab lawv to taub. Cov neeg tuag uas yog cov laus, mas yuav tshuab cov zaj qeej kom ntxaws thiab txhij txhua. Hos cov hluas, mas tshuab cov zaj qeej tsis ntxaws thiab tsis ntev kuj tau. Yog tus tuag yog ib tug neeg laus, mas yuav tau nrhiav tej tus txiv qeej laus kom nws txawj tshuab cov zaj qeej phim tus tuag. Txhua yam li hais no, mas yog cov kws txiv qeej thiaj paub txog lub ntsiab thiab paub txog cov zaj qeej xwb. Yog tus tsis paub tshuab qeej, mas nws yuav mloog tsis to taub tias yog hais li cas.
Suab qeej yog tham nrog cov tuag tus ntsuj plig, tab sis cov ntsuj plig tuag tsis paub tias qeej yog ib yam uas tshwj xeeb heev. Zoo li cov neeg lag ntseg uas thaum lawv hnov lub suab, mas lawv xav tias vim li cas thiaj yuav tsum tshuab qeej. Nyob hauv cov ntees tuag, mas yuav tsum muaj tus txiv hais xaiv, uas yog tus paub txog tus tuag lub neej ib yam li cov txiv qeej. Qeej thiab tus txiv xaiv, nws yog zoo li sib dhos sib haum kawg. Qeej yog tshuab rau cov tuag thiab coj tus tuag cov lus rov los rau tsev neeg thiab tej phooj ywg. Tej tus laus neeg los sis neeg nto npe tuag, mas yuav ua tej lub ntees loj thiab lom zem uas muaj tej kab ke ntxaws kawg. Cov lus ntawm tus ntsuj plig tuag hais, mas yog ua kom tsev neeg nco ras txog kev sib hlub thiab sib pab. Dhau ntawd lawm, tej lus nyob hauv cov txiv xaiv kuj qhia kom tej xeeb leej xeeb ntxwv txawj sib hlub thiab saib xyuas yus cuab kwv tij txheej dhau txheej.
Nyob hauv cov kab ke pam tuag, mas muaj ntau zaj qeej sib txawv. Yog tej zaj qeej hais txog tus tuag lub neej thiab txoj kev mob tuag, hais txog kev tso tej me nyuam ua ntsuag. Tej zaj tshuab hais txog poj yawm tuag los sis tej laus tuag, nyias muaj nyias lub ntsiab lus. Kuj muaj tej zaj qeej tshuab hais txog tsim noob neej, neeg lub keeb thiab neeg kev txom nyem kev iab kev daw. Cov zaj qeej li hais no, yog hais txog chib keeb neeg lub neej thiab kev ua neej sib hlub sib hwm.
Qeej yog ib hom twj paj nruag uas tshwj xeeb nyob hauv Hmoob tej kab lis kev cai, tab sis qhov khuv xim mas yog Hmoob feem coob tsis tshua ceev qeej cia lawm. Tsuas tshuav cov txiv qeej thiaj tseem khaws qeej cia xwb. Qeej yog ib yam tsis tshua muaj nqis, tsis muaj hwj chim, tsis muaj ntsuj plig thiab tsis muaj kev txawj ntse. Qeej yuav nrov muaj suab, yog neeg tshuab thiab siv cov ntiv qeej hais ua lus. Tab sis qeej pab tau qee yam nyob hauv Hmoob tej kab lis kev cai, pab kom peb nkag siab txog Hmoob tej kev cai. Thaum peb pom qeej, mas peb paub tias yog Hmoob. Tsim nyog yuav paub txog qeej thiab txuag nyob nrog Hmoob ntxiv mus.
