Ntuag yog dab tsi thiab vim li cas kev cog ntuag thiaj yog qhov nyuab uas yuav ua kom nplua nuj tau. Tab sis cov neeg Hmoob nyob Lau Cai tseem xav tias ntuag yog thawj yam qoob loo ntawm lawv?

Ntuag cog los kom tau ua khaub ncaws hnav nyob hauv tsev neeg raws Hmoob tej poj yawm txwv koob ib txwm ua los. Tab sis ob peb xyoos tag los muaj kev ntos ntaub Lis Nes ntau heev thiab cov neeg ncig tsham teb chaws coob tuaj, ces yog qhov khwv tau nyiaj los pab cov yim neeg nyob hauv thaj tsam no. Ntau yim neeg tuaj yeem khwv tau nyiaj 10 tawm plhom doos nyob hauv ib xyoos, yog los ntawm kev muag ntaub Lis Nes thiab tej khaub ncaws xuas tes xaws. Hauv lub zos Hutrulim txhua tsev neeg puav leej cog ntuag, sau ntuag thiab ntos ntuag. Cov laus yog cov qhia lub tswv yim thiab kev ntos ntuag rau cov hluas txheej tshiab. Muaj cov hluas coob leej tseem coj rawv tej kab lis kev cai no, kom tau txuag tus qauv ntawm haiv neeg. 

Hais txog cov Hmoob, mas ntuag yog hom ntoo lag luam thiab tseem ceeb hauv fab ntsuj plig thiab kab lis kev cai tob kawg. Txhua daim ntaub yog qhia txog keeb kwm thiab lub cim ntawm poj yawm txwv koob mus txog cov hluas txheej tshiab. Ua rau kev tsim tawm thiab tej kiab khw, cov Koom Haum thiab cov neeg ntos ntaub nyias tsim nyias lub Koom Haum. 

Cov nom tswv hauv zej zog kuj npaj muaj kev sib tw ntos ntaub txhua txhua xyoo, kom tau txhawb nqa kev txuag yam xuas tes ua thiab kom zej zog khwv tau nyiaj lawm yav tom ntej. Tab txawm tias kev cog ntuag tsis yog yam coj lawv mus rau kev nplua nuj, tsis kav cov Hmoob nyob Lau Chai mas ntuag yog txoj xov ua kom kev lag luam, kab lis kev cai thiab zej zog sib txuas ua ke nyob hauv kev pauv ntxeev ntawm cov neeg txheej tshiab.