118 Mas Tais 5 : 1-12a. (Nqe 1)
Yog hais txog txoj hmoov zoo (Nqe 1).
Kwv tij Hmoob, tab txawm tus neeg uas nws tsis tau paub txog kev ntseeg, tsis kav xav tias nws yeej tau hnov zaj hais txog Yes Xus cov lus qhuab qhia nyob saum roob. Yog thawj lo lus qhuab qhia thiab nto npe tshaj nyob hauv Yes Xus 5 lo lus qhuab qhia uas peb pom nyob hauv Mas Tais ntawv Moo Zoo.
Cov lus qhuab qhia saum roob no, nws muaj cov ntsiab lus zoo thiab yog lub Cim zoo tshaj plaws ntawm kev ua lub neej neeg ntseeg. Xws li 8 lo lus hais txog txoj hmoov zoo, nyiam thiab hlub tus yeeb ncuab, kev ncaj ncees tshiab nyob hauv Tswv Ntuj lub Ceeb Tsheej, thiab Yes Xus cov lus thov Ntuj.
- “Cov tau txoj hmoov zoo, yog cov pluag txom nyem hauv nruab siab, vim Tswv Ntuj lub Ceeb Tsheej yog lawv li (“Cov tau txoj hmoov zoo, yog cov pluag hauv fab ntsuj plig.”)
- Cov tau txoj hmoov zoo yog cov quaj ntsuag, vim Tswv Ntuj yuav nplij lawv.
- Cov tau txoj hmoov zoo, yog cov siab zoo, vim lawv yuav txais lub ntiaj teb los ua lawv tug.
