Zaj nyeem hnub tim 18 lub 3 hlis 2026
Hnub nco txog Leej Ntshiab Xis Lis nyob Yes Lus Xas Les
Cov lus nyob hauv Zam Ntawv Moo Zoo (Z 5: 17-30)
Kwv tij sawv daws, cov His Xas Lais raug ntiab mus ua qhev nyob Npas Npis Los teb tau 50 xyoo, ua rau lawv txoj kev cia siab tias yuav rov los lawv vaj lawv tsev tsis muaj ntxiv lawm, lawv tag kev cia siab lawm. Lawv xav tias Tswv Ntuj tso lawv pov tseg lawm, Tswv Ntuj tsis quav ntsej tsis taug lawv lawm. Tab sis, tus Yaj Saub His Xais hais rau lawv tias tsis yog li qhov lawm xav, vim Tswv Ntuj tseem nco ntsoov lawv, nws tsis tau hnov qab lawv, nws yeej tsis tau tso lawv tseg ib zaug. Tab yog ib leej niam yuav tsis nco nws tus me nyuam uas noj nws lub mis, tiam sis, Tswv Ntuj tsis muaj hnub yuav hnov qab cov His Xas Lais tau. Yog vim li ntawd Huab Tais Leej Txiv thiaj tau xa nws Leej Tub tuaj cawm neeg, tiam sis, neeg tsis ntseeg txog nws Leej Tub, neeg tsis tos txais Huab Tais Yes Xus, ces neeg tseem zoo li cov yaj poob zoo uas nrhiav tsis tau nws tus tswv. Neeg tseem nrhiav tsis tau Tswv Ntuj. Li ntawd peb tsoom ntseeg sawv daws, peb yuav tos txais Huab Tais Yes Xus tuaj nyob hauv peb lub neej txhua txhia hnub, peb yuav tos txais nws nyob rau hauv lub Cim Daws Txhaum, thiab lub Cim Yug, thiab nyob rau hauv peb kev teev Ntuj lub caij Plaub Caug no, Huab Tais tseem tos ntsoov kom peb tig los nrhiav nws.
Nyob zoo sawv daws.
